Ishte një ndër dy komunat e para në të cilat u regjistruan rastet e para pozitive me koronavirus në vendin tonë, ndërsa sot Vitia nuk ka asnjë rast aktiv me Covid-19.

Në këtë vend ku tash e 20 ditë nuk ka asnjë rast të ri me koronavirus, bëhet thirrje ndaj institucioneve që të lehtësohet masat meqë do të jetë e vështirë që të normalizohet gjendja.

Kryetari i kësaj komune, Sokol Haliti, ka thënë se të gjithë që kanë qenë të infektuar me Covid-19 deri më sot janë të shërua, duke shtuar se qytetarët kanë respektuar masat e rekomanduara nga institucionet e kjo ka ndikuar që mos të ketë më të infektuar.

-Advertisement-

“Jemi të qetë si komunë tash e 20 ditë nuk kemi raste. Kemi pasur testime, por kanë rezultuar negativ. Të gjithë që kanë qenë të infektuar me Covid-19 janë të shëruar”.

“Jemi duke bashkëpunuar me qytetarët e bizneset me i ruajtur masat mbrojtëse me udhëzimet që jepni profesionalistët. Vitia i ka respektuar dhe jam falënderues ndaj bizneseve. Nëse vazhdojmë kështu po shkojmë drejtë lirimit dhe relaksimit sigurisht është edhe kthim punë duhet t’i kthehemi normalitetit”, ka thënë ai për EO.

Një gjë tjetër jo më pak të rëndësishme që e potencoi Haliti është se Vitisë i duhet më shumë kohë për tu kthyer në normalizim si shkak i karantinës.

Por, thotë ai se Vitia duhet t’i kthehet zhvillimit ekonomik, madje kërkoi që të lirohen masat për të filluar punën të gjitha kompanitë.

“Nevojitet shumë normalizim në viti për shkak se kemi qenë në karantinë një kohë të gjate. Prej fillimit jemi përfshi si komunë një muaj më herët se të tjerët”.

“Nevoja është me iu kthyer punës sidomos zhvillimit ekonomik, ndërmarrjet e vogla dhe të mesme kanë nevojë me frymuar, por edhe gjithë tjerët. Bujqësia me u zhvilluar si sektor kryesor ekonomik, edhe pse ne kemi pasur tolerancë dhe fleksibilitet ndaj të mbjellave pranverore sidomos me fermerët”, ka thënë Haliti.

Se vendi do të përballet me pasoja ekonomike e që ndodh se nuk mund të ketë rimëkëmbje ekonomike deri në vitin 2023, gjatë ditës së sotme nuk e kanë mohuar as ekspertët e kësaj fushe.

Muaji qershor luan një rol të rëndësishëm në lidhje me rikthimin e gjendjes ekonomike gjatë këtij viti në vendin tonë. Nëse në këtë muaj në të cilin po hymë nuk stabilizohet gjendja e krijuar nga koronavirusi, vlerësohet se Kosova nuk do të mund ta rimëkëmb ekonominë deri në vitin 2023.

Kështu ka thënë eksperti i çështjeve të ekonomisë, Muhamet Mustafa, i cili tutje thekson se do të ketë ndikime negative në shumë fusha.

“Janë dy variante, nëse në qershor vjen normalizimi atëherë gjendja do të jetë në situatën siç ka qenë para virusit dhe do të ketë mundësi të rimëkëmbet në kuartalin e dytë të 2020. Nëse do të vazhdoj edhe me tutje neve do të na gjejë 2022-2023 që të kthehemi në gjendjen e mëparshme”.

“Ne nuk jemi te sigurt se çfarë do të ndodh. Pasi nëse kemi raste do të sanksionohen prapë bizneset dhe pasojat do të jenë të rënda”, ka thënë Mustafa.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-