Lajme

Komuna ka ndarë 30 mijë euro, por rrugët dhe trotuarët e Fushë – Kosovës nuk janë pastruar

Autori: Gazeta inFokus 20:35 | 12 January 2019

Vështirë të kalueshme kanë qenë trotuaret e Fushë Kosovës të shtunën edhe pse reshjet e borës janë ndalur që nga e premtja.

Banorët thonë se lagjet janë harruar nga kompania e cila është e kontraktuar për mirëmbajtjen e tyre, transmeton Gazeta inFokus.

Drejtori i shërbimeve publike Maliq Berisha, përmes telefonit, i ka thënë KTV-së se komuna e Fushë Kosovës, ka një kontratë kornizë me afat 3-vjeçar me një kompani.

-Advertisement-

Vlera e kësaj kontrate sipas Berishës, është 30 mijë euro dhe sipas drejtorit, këto ditë fokusi ka qenë në rrugët kryesore, por nuk është lënë anash as pjesa tjetër.

Për mospastrim të rrugëve në këtë komunë, ka reaguar edhe LVV-ja, e cila ka postuar fotografi të zyrtarëve të saj duke larguar borën.

Subscribe në YouTube: GAZETA INFOKUSI

Të tjera

Fokusi

lajme