Lajme

Komuna e Zveçanit thellon bashkëpunimin me Drenasin, Peci: Ditë e veçantë për ne

Autori: Gazeta inFokus 15:49 | 27 July 2023

Kryetari i Komunës së Zveçanit, Ilir Peci sot ka takuar kryetarin e Komunës së Drenasit, Ramiz Lladrovcin me të cilin ka nënshkruar një Marrëveshje Bashkëpunimi ndërkomunal.

Peci përmes një postimi në rrjetin social në Facebook ka shkruar se qëllimi i bashkëpunimit mes dy komunave është ofrimi i shërbimeve nga ana e komunës se Drenasit për nevojat e komunës së Zveçanit.

“Sot, ishte një ditë e veçantë për Komunën e Zveçanit së bashku me një pjesë të stafit takova kryetarin e komunës se Drenasit Ramiz Lladrovci, ku nënshkruam Marrëveshjen e Bashkëpunimit ndërmjet komunës se Drenasit dhe Zveçanit, në bazë të Ligjit për Vetëqeverisje Lokale, Ligjin për bashkëpunimin ndër komunal dhe ligjin për Arbitrazhin.

-Advertisement-

Qëllimi i bashkëpunimit është ofrimi i shërbimeve nga ana e komunës se Drenasit për nevojat e komunës së Zveçanit, si ofrimi i shërbimeve për sektorët Buxhet, Financa dhe Administratë të përgjithshme, Fushën e Prokurimit dhe Menaxhimin e Burimeve Njerëzore”, ka shkruar Peci.

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera

Fokusi

lajme