Lajme

Komuna e Vushtrrisë blen material në vlerë afro 100 mijë euro për QKMF-në

Autori: Gazeta inFokus 19:58 | 13 January 2020

Komuna e Vushtrrisë ka investuar një shumë prej afro 100 mijë euro për Qendrën Kryesore të Mjekësisë  Familjare duke blerë material shpenzues.

Këtë e ka bërë të ditur Xhafer Tahiri, kryetar i Komunës së Vushtrrisë i cili tha se shumë shpejt do të ketë risi në laboratorë dhe shtim edhe të personelit.

“Komuna ka ndarë buxhet prej afër 100,000€ për material shpenzues për analiza për Laboratorin e Qendrës Kryesore të Mjekësisë Familjare në Vushtrri, që përbënë rritje prej mbi 30% të buxhetit vetëm për këtë qëllim. Shumë shpejtë do te kemi risi të reja në laborator, shtim të numrit të analizave që kryhen aty dhe shtim të personelit”, shkruan ai.

Sipas Xhaferit qytetarët kanë humbur besimin tek shëndetësia dhe ky besim duhet të rikthehet.

“Rikthimi i besimit të qytetarëve tek shëndetësia po e mbështesim me politika konkrete dhe me buxhet. Pas heqjes së kufizimit të numrit prej vetëm 50 analiza për ditë që ishte vendosur arbitrarisht, reformat e thella në shëndetësi i vazhdojmë me kushte e shërbime shëndetësore të cilësisë së njejtë si në qytet ashtu edhe në fshat”, shkruan ai./Gazeta inFokus/

Të tjera