Lajme

Komuna e Rahovecit vazhdon aktivitetet për shënimin e Epopesë së UÇK-së

Autori: Gazeta inFokus 13:45 | 06 March 2018

Aktivitetet e Komunës së Rahovecit për shënimin e 20 vjetorit të “Epopesë së UÇK-së”, kanë vazhduar edhe sot, ku kryetari i Komunës Smajl Latifi, përfaqësues të FSK-së dhe OVL e UÇK-së dega në Rahovec, dhe qytetarë kanë bërë homazhe për dëshmorët dhe gjithë të rënët.

Pas homazheve dhe vendosjes së buqetave me lule tek varrezat e dëshmorëve në qytetin e Rahovecit dhe tek pllaka përkujtimore në fshatin Drenoc, aktivitetet kanë vazhduar me marshin simbolik, ku është përshkruar rruga që lidh fshatin Drenoc me fshatin Zatriq.

Të pranishëm në marshin simbolik pjesëmarrës ishin Kryetari i Komunës së Rahovecit, Smajl Latifi, drejtor të Drejtorive Komunale, përfaqësues të FSK-së, përfaqësues të OVL e UÇK-së dega në Rahovec, ish-ushtarë të UÇK si dhe shumë qytetarë.

-Advertisement-

Pas përfundimit të marshit, janë  vendosur buqeta lulesh dhe janë bërë homazhe tek dy pllakat përkujtimore të dëshmorëve të rënë në fshatin Zatriq.

Aktivitetet për shënimin e 20 vjetorit të “Epopesë së UÇK-së”, përfundojnë me datë 7 Mars, ku simbolikisht shënohet Nata e Zjarreve, ky aktivitet fillon në ora 18:00.

Aktivitetet për shënimin e 20 vjetorit të “Epopesë së UÇK-së”, janë duke u organizuar nga kryetari i Komunës në bashkëpunim me OVL e UÇK-së dega në Rahovec./KP/INFOKUSI

Subscribe në YouTube: GAZETA INFOKUSI

Të tjera

Fokusi

lajme