Lajme

Komuna e Prishtinës ndan rreth 50 mijë euro për trajtimin e qenve endacakë

Autori: Gazeta inFokus 11:15 | 20 January 2022

Qentë endacakë vazhdojnë të jenë një problem i madh për çdo qytetarë, për shkak të rrezikimit nga ta, shkruan Gazeta Infokus.

Mirëpo në lidhje më këtë Komuna e Prishtinës ka ofruar një zgjedhje, ku ka hapur një tenderë me datën 14 janar të këtij viti, për kompanitë e Veterinarisë, që do të ju ofrojnë trajtimin e kafshëve.

Komisioni Rregullativ i Prokurimit Publik, ka njoftuar se Komuna e Prishtinës ka lidhur kontratë me kompaninë “VETERINA 1 SH.P.K.”, në Prishtinë për të u përkujdesur për këto kafshë endacake.

-Advertisement-

Në këtë marrëveshje thuhet se janë ndarë gjithsej 46 mijë e 360 euro.

Kjo kontratë ka qenë e proceduar në mënyrë të negociuar e që kohëzgjatja e kësaj kontrate është 180 ditë.

Kujtojmë që kryetari i Komunës së Prishtinë, Përparim Rama, një ditë me parë ka njoftuar përmes rrjetit social ‘Facebook’, që janë marrur me trajtimin e problemit të qenve endacakë.

Poashtu, Rama ka njoftuar për nënshkrimin e kontratës që siguron vazhdimin e trajtimit të tyre, e që përfshin zënien, kontrollin, ushqimin, vaksinimin, identifikimin, sterilizimin, hospitalizimin dhe lëshimin./Gazeta Infokus/