Lajme

Komuna e Prishtinës do t’i mbështes me 500 euro lehonat me asistencë sociale

Autori: Gazeta inFokus 14:18 | 10 May 2022

Komuna e Prishtinës do t’i mbështes me 500 euro nënat lehona të cilat janë përfituese të skemës sociale.

Kjo u bë e ditur gjatë seancës së Kuvendit Komunal, të martën.

Kreu i Prishtinës, Përparim Rama, tha se një propozim tjetër i tyre është subvencionimi me 70 euro që familjet që marrin më pak se 500 euro t’i dërgojnë fëmijët në çerdhe.

Sipas Premtim Fazliut nga drejtoria për Mirëqenie Sociale, nga muaji janar deri në muajin prill kanë qenë 17 lindje të kësaj kategorie.

Ndërkaq, ndihma përfshinë periudhën prej datës 1 janar 2022 dhe me mundësi që të vazhdojë edhe në vitet e ardhshme.

Në bazë të kalkulimeve të prezantuara, brenda një viti rreth 70 nëna lehona do jenë përfituese të kësaj skeme, ose në kosto financiare i bie 35 mijë euro.

Të tjera

Fokusi

lajme