Lajme

Kompania ruse ofron shpërblime për ushtarët që shkatërrojnë tanket Leopard

Autori: Gazeta inFokus 11:12 | 30 January 2023

Një kompani ruse tha se do të ofrojë pesë milionë rubla (72.000 dollarë) për ushtarët e parë që shkatërrojnë ose kapin tanket e prodhimit perëndimor në Ukrainë.

Kremlini u zotua se forcat ruse do të zhdukin çdo tank perëndimor të dërguar në Kiev.

Shtetet e Bashkuara, Gjermania dhe disa vende të tjera evropiane janë pajtuar për t’i dërguar Ukrainës dhjetëra tanke të avancuara luftarake gjatë muajve të ardhshëm për të ndihmuar në rritjen e kapacitetit ushtarak të vendit, derisa lufta po hyn në muajin e 12-të.

-Advertisement-

Vendimi i aleatëve të Kievit është kritikuar nga Kremlini si një përshkallëzim i rrezikshëm dhe zëdhënësi Dmitry Peskov tha se tanket do të “digjen” në vijën e frontit.

Tani një kompani ruse – Fores, me bazë në Urale, e cila prodhon mjete për industrinë e energjisë – po ofron pagesa në para për ushtarakët rusë që “kapin ose shkatërrojnë” tanket Leopard 2 të prodhimit gjerman ose Abrams të prodhimit amerikan.

Kompania tha se do t’i paguajë pesë milionë rubla (72.000) dollarë ushtarit të parë rus që shkatërron tankun e par dhe nga 500.000 rubla (7.200 dollarë) për të gjitha sulmet e mëvonshme.

Autoritetet ukrainase kanë thënë vazhdimisht se atyre u nevojiten 300 tanke ndërsa përpiqen të dëbojnë forcat ruse nga territori i tyre.

Rusia ka shumë më shumë tanke se Ukraina, por modelet e tyre janë inferiore në disa aspekte kyçe ndaj modeleve perëndimore.

Si Rusia ashtu edhe Ukraina pritet të nisin ofensiva në javët e ardhshme, me tanke që pritet të luajnë një rol jetik në ato beteja, thanë ekspertët.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme