Lajme

Kompania farmaceutike amerikane kërkon miratim për përdorimin urgjent të pilulës kundër COVID

Autori: Gazeta inFokus 06:57 | 12 October 2021

Kompania farmaceutike amerikane Merck ka aplikuar në Administratën Federale të Ushqimit dhe Barnave të SHBA-së (FDA) për miratimin e përdorimit urgjent të ilaçit që ka zhvilluar kundër COVID-19.

Merck dhe partneri i saj Ridgeback Biotherapeutics Company kanë kërkuar leje për përdorimin e pilulës që ata kanë zhvilluar me mbështetjen e qeverisë, veçanërisht në pacientët e rritur me COVID-19 të cilët janë në rrezik të shtrimit në spital dhe në rrezik për vdekje.

Zyrtarët e kompanisë njoftuan më 1 tetor se pilula eksperimentale kishte përgjysmuar rrezikun e shtrimit në spital dhe vdekjen e njerëzve të sapoinfektuar me virusin.

Në deklaratën e bërë nga kompania, thuhet se Molnupiravir, e cila pritet të jetë pilula e parë e provuar për të kuruar COVID-19 nëse miratohet, mund të jetë një hap i rëndësishëm në luftën kundër pandemisë.

Të tjera