“Devolli Group” nuk do të jetë direkt furnizues me qumësht i Komunës së Prishtinës gjatë vitit 2018, por një kompani që ka lidhje më të.

Nga shtatori i vitit 2015, kompania “Devolli Group” ka bërë furnizimin më qumësht për nxënësit e nivelit të ulët I-IV të Komunës së Prishtinës, deri më tani, shkruan lajmi.net.

Komuna e Prishtinës e ka bërë publik fituesin e tenderit për “Furnizimi me qumësht për nxënësit e shkollave –niveli i ulët prej klasës se I–V. Qumësht UHT, paketimi: 250ml, ne ambalazh aseptike te Tetra Pakut. Yndyra:2.8g-3.5g,laktozë:4.6g, kalcium 120mg.

Qumështi i sterelizuar ne temperature 137C0 dhe i homogjenizuar me 2.8%-3.5% yndyrë”.

Fitues i këtij tenderi është kompania “Arbazen” L.L.C. Tenderi peshon 733.698,00 euro dhe kjo kompani ka qenë ofertuesi i vetëm.

Sipas të dhënave të Agjencisë së Regjistrimit të Bizneseve –ARBK, kjo kompani është në pronësi të kompanisë malteze “Arbazen” LTD.

Ndërkaq, persona të autorizuar në këtë kompani janë: Fatmir Pula, drejtor ekzekutiv dhe anëtar i Bordit, Ernest Jusufi, anëtar i Bordit, Shpresa Mustafa, kryetare e Bordit, dhe Valon Basha, anëtar i Bordit -sekretar – agjent i regjistruar.

Sipas të dhënave të ARBK-së, Valon Basha është person i autorizuar tek kompania “Devolli Energy”, pronar i së cilës ëhstë “Devolli Group”.

Enest Jusufi, është drejtor në “Devolli Distribution” SHPK, pronar i së cilës është Blerim Devolli. Jusufi është edhe drejtori i qumështores “VITA”

Duke raportuar për shitjen e “Devolli Group”, portali Insajder.com në maj të vitit 2016 ka raportuar se më 14 gusht të vitit 2014 Blerim Devolli i’a shiti zyrtarisht kompaninë “Devolli Group” një kompanie të quajtur “Abrazen LTD”.

“Kompania “Abrazen LTD”, bazuar në të dhënat në ARBK, është në pronësi të dy kompanive malteze “H&P Trust Company Ltd” dhe “H&P Corporate Services Ltd””, shkruante ky portal.

Por, tash në ARBK nuk figuron asnjë kompani “Abrazen LTD”, pos kësaj që e ka fituar tenderin qumështit e që quhet “ABRAZEN ” L.L.C, pronar i së cilës paraqitet “Abrazen” LTD.

Insajderi kishte zbuluar edhe aksionarët e mëdhenj të kompanisë “H&P Corporate Services Ltd”.
“Bazuar në të dhënat e regjistrave biznesor në Malta, janë tri kompani që figurojnë si aksionarë kryesor të kësaj kompanie.

Është kompania “H&P Trust Holdings AG” me bazë në Cyrih të Zvicrrës, kompania “H&P Private Equity Partners AG”, po ashtu me bazë në Cyrih të Zvicrrës si dhe kompania “Daedalus Ltd” me bazë në Anguilla”, shkruante ky portal.

Ndryshe, opozita dhe shoqëria civile kishin ngritur dyshime për lidhjet e afërta të kryetarit të Prishtinës, Shpend Ahmeti me biznesmenët, Devolli. Kujtojmë këtu edhe rastin e shumë përfolur më jaht-in në Budva të Malit të Zi.

Rakinica e Skenderajt bëhet me rrjet të ri elektrik

Sponsoruar