Lajme

Komisioni për Siguri shtynë mbledhjen në shenjë solidarizimi me ish-ushtarët e UÇK-së

Autori: Gazeta inFokus 10:40 | 10 November 2020

Komisioni për Çështje të Sigurisë dhe Mbrojtjes, ka shtyrë për një ditë tjetër mbajtjen e mbledhjes të paraparë për të martën, në shenjë solidarizimi me ish-ushtarët e UÇK-së që janë në Hagë.

Shtyrja e mbledhjes u propozua nga deputetja e PDK-së, Ganimete Musliu, siç tha ajo për nder të ish-ushtarëve të UÇK-së, që janë në Hagë.

“Çlirimtarët s’kanë parti kanë atdhe. Ti ulim shpatat partiake e politike e t’i ngrisim ato kombëtare e atdhetare. Sot propozoj që kjo mbledhje të shtyhet për një ditë tjetër për nder të çlirimtareve tanë që s’janë këtu”, tha ajo.

-Advertisement-

Propozimi i saj u përkrahë nga të gjithë anëtarët tjerë të Komisionit. Anëtarë i këtij komisioni ka qenë edhe Rexhep Selimi ndaj të cilit Gjykata Speciale ka ngritur aktakuzë.

Në rend dite të Komisionit ka qenë shqyrtimi raportit të Ministrisë së Mbrojtjes, rreth zbatimit të rekomandimeve të Zyrës Kombëtare të Auditimit për vitin 2019.

Subscribe në YouTube: GAZETA INFOKUSI