Lajme

Kombinimi i gripit sezonal me COVID-19 mund të jetë i rrezikshëm

Autori: Gazeta inFokus 23:43 | 02 January 2022

Nuk ka asnjë arsye për panik për ekzistencën e një virusi “të ri” Flurona (Grip + Coronavirus) që supozohet që është një kombinim i virusit të gripit me koronavirusin, siç thekson profesori i Politikave Shëndetësore në Imperial College në një postim në Facebook, Elias Mosialos.

Siç shprehet ai, “ky nuk është një virus i ri, por infeksione të njëkohshme me koronavirus dhe virusin e gripit. Është konstatuar në një grua shtatzënë në Izrael, por ka mundësi që të kemi shumë raste të tilla në disa vende.”

Ai shton se “prandaj është e nevojshme të vaksinohen, qytetarët e pambrojtur, dhe me vaksinën e gripit krahas asaj të koronavirusit. Këtë e theksojnë edhe autoritetet shëndetësore në mbarë botën”.

-Advertisement-

Shqetësimet për “Delmicron”

Në të njëjtën kohë, Delmicron (kombinimi i mutacioneve Delta dhe Omicron) po shkakton shqetësim, që sipas shkencëtarëve, është diçka që kërkon monitorim, pasi rastet e personave që janë infektuar me llojin që ka pësuar mutacion janë të pakta, raporton abcnews.al.

“Omicron” që është shumë ngjitës ka shkaktuar një rritje të madhe të rasteve me koronavirus në mbarë botën.

Rastet e reja me koronavirus në mbarë botën arritën një rekord duke kapur një numër më shumë se 1 milion në ditë gjatë fundit të 2021, sipas Reuters. Megjithatë, numri i të vdekurve nuk është rritur në të njëjtën mënyrë, duke shtuar shpresat se varianti i ri mund të jetë më pak vdekjeprurës.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut
-Advertisement-

Të tjera

Fokusi

lajme