Lajme

Kombet e Bashkuara e quajnë racist Trump-in

Autori: Gazeta inFokus 14:34 | 12 January 2018

Zyra për të drejtat e njeriut në Kombet e Bashkuara i ka quajtur raciste dhe ksenofobe deklaratën e presidentit të SHBA-së, Donald Trump, i cili imigrantët nga Afrika dhe Haiti i quajti si ardhje nga vende të pista.
Trump-i të enjten duke pyetur se përse Shtetet e Bashkuara të Amerikës lejojnë imigrantë nga Haiti dhe vendet afrikane, disa prej këtyre vende iu është referuar si “vende të pista”, kanë thënë disa burime në Shtëpinë e Bardhë.

“Këto janë komente të tmerrshme dhe të turpshme nga presidenti i Shteteve të Bashkuara. Përveç fjalës ‘raciste’ nuk mund të përdorësh ndonjë fjalë tjetër për to”, ka thënë zëdhënësi i zyrës për të drejtat e njeriut në Kombet e Bashkuara, Rupert Colville, transmeton Koha.net.

“Nuk mund t’i quash ‘të pista’ vendet dhe kontinentet, popullsia e të cilave, që nuk janë të bardhë, nuk mirëpritet”, ka shtuar ai.

-Advertisement-

Kjo çështje është më shumë se “gjuhë vulgare”, ka thënë Colvile.

“Ka të bëjë me hapjen e derës së anës më të keqe të njerëzimit, të thërrasësh për racizëm dhe ksenofobi që potencialisht shkatërron jetën e shumë njerëzve”, ka thënë veç të tjerash ky zëdhënës.

Subscribe në YouTube: GAZETA INFOKUSI