Lajme

Kolegët e punës shprehen të pikëlluar për vdekjen e Liridona Ademajt

Autori: Gazeta inFokus 13:49 | 03 December 2023

Vdekja e Liridona Ademajt, i ka pikëlluar shumë kolegët e punës në Suedi.

Ata shprehen dhimbjen e tyre përmes një shkrimi në faqen zyrtare të lokalit.

“Ajo e donte jetën familjare dhe 2 djemtë e saj të mrekullueshëm më shumë se çdo gjë në botë”, shkruan në postimin e Lejas Cafe në Facebook.

-Advertisement-

“Ajo ishte një shoqe dhe punonjëse shumë e dashur për të gjithë”, vazhdon tutje shkrimi.

Kolegët e saj thanë se kishin marrë shumë pyetje lidhur me rastin tragjik, por për hir të familjarëve saj, nuk kishin reaguar.

Stafi njofton se në kujtim të Liridonës apo “Lillyt” siç e quanin ata, lokali do të jetë i hapur sot nga ora 15:00 për të bërë homazhe.

Liridona Ademaj, u vra në mbrëmjen e 29 nëntorit në fshatin Sinidoll të Prishtinës.

Lidhur me ngjarjen, ndaj të dyshuarit kryesor, ish-bashkëshortit të saj Naim Murselit, dhe dy të tjerëve, Granit Plavës dhe Kreshnik Kokallës, është caktuar nga një muaj paraburgim nga ana e Gjykatës Themelore të Prishtinës.

Ish-bashkëshorti i Liridonës, Naimi, e ka pranuar fajësinë se ka paguar vrasjen e saj.

Ai dyshohet se ka paguar 30 mijë euro për kryerjen e aktit makabër.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme