Kohë rinovimesh te Barça, katër futbollistë zgjatin bashkëpunimin
Autori: Gazeta inFokus 10:31 | 21 October 2020
Me merkaton që ka përfunduar tashmë, drejtuesit e Barcelonës prej ditësh janë përqendruar në rinovimet e kontratave të futbollistëve që konsiderohen të rëndësishëm për të ardhmen e klubit dhe mbrëmjen e djeshme kanë ardhur edhe firmat e para.
Kështu mbrojtësi Gerard Pique u ndëshkua me karton të kuq ndaj Ferencvaros dhe do të humbë përballjen e javës së ardhshme në Torino ndaj Juventusit, por do të jetë pjesë e katalanasve edhe për 4 sezonet e ardhshme.
Ai ka firmosur kontratën e re, që do ta mbajë të lidhur me klubin katalan deri në verën e 2024-ës, kohë kur Pique të ketë 37 vite mbi supe dhe të jetë duke medituar tërheqjen, ndërsa drejtuesit e Barcelonës kanë përfshirë edhe një klauzolë për ndërprerjen e bashkëpunimit në vlerën e 500 milionë eurove.
Po kaq duhet të paguajnë edhe klubet e interesuara për kartonin e portierit gjerman Marc-Andre ter Stegen, i cili gjithashtu ka vendosur të qëndrojë në ‘Camp Nou” të paktën deri në verën e 2025-ës, pasi dje ka vënë firmën mbi kontratën e re.
Gardiani 28-vjeçar gjerman ishte shndërruar në një çështje kohët e fundit, pasi kishte rritur pretendimet për të rinovuar, por duket se drejtuesit e Barcelonës ia dolën ta bindin të firmosë kontratën e re, ndonëse detajet e saj nuk bëhet të ditura ende.
Firmën mbi kontratë e ka vënë edhe holandezi Frenkie de Jong, i cili iu bashkua katalanasve vetëm verën e kaluar, por tani ka firmosur një zgjatje të bashkëpunimit deri në verën e 2026-ës, me klauzolë prishjeje prej 400 milionë eurosh.
Holandezi shihet si njeriu ideal rreth të cilit Koeman dëshiron të ndërtojë Barcelonën e të ardhmes, ndaj drejtuesit kanë blinduar mesfushorin, duke i përmirësuar edhe termat financiarë si paga, shpërblimet e bonuset.
I fundit në radhën e atyre që kanë hedhur firmën mbi kontratë, por jo më pak i rëndësishmi, ka qenë mbrojtësi francez Lenglet, i cili do të jetë i lidhur me Barcelonën deri në verën e 2026-ës dhe ka një klauzolë prishjeje të bashkëpunimit, në vlerën e 300 milionë eurove.
Francezi i blerë nga Sevilla ka qenë një nga pikat më stabël të formacionit të skuadrës “blaugrana” dhe është shpërblyer me rinovim kontrate, pasi shihet si lideri i të ardhmes në prapavijën e katalanasve.
Ndërkohë nuk ka asnjë të re sa i përket rinovimit të kontratës së kapitenit Lionel Messi, që duket se ka vendosur të largohet në fund të sezonit, kohë kur edhe i përfundon zyrtarisht bashkëpunimi me Barcelonën.
Të tjera
-
Shefja e USAID-it, ai i UNICEF-it dhe ministrja Nagavci vizitojnë Gjilanin
Komunën e Gjilanit e ka vizituar drejtoresha e Misionit të USAID-it në Kosovë...
-
6 miliardëshi për Kosovën e Ballkanin, vendimi i fundit i legjislaturës së tanishme të PE-së
Para se ta përfundojë mandatin, legjislatura e tanishme në Parlamentin Evropi...
-
Keqpërdori pozitën zyrtare, kërkohet paraburgim ndaj të dyshuarit
Prokuroria Themelore në Ferizaj, Departamenti i Krimeve të Rënda, ka kërkuar ...
-
Arrestohen dy të dyshuar në Mitrovicë për dhënie e marrje të ryshfetit
Të mërkurë në Mitrovicë janë arrestuar dy të dyshuar meshkuj, njëri shtetas i...
-
Kushtetuesja e Speciales me vendim në rastin ‘Januzi e të tjerët’
Gjykata Kushtetuese e Speciales ka hedhur poshtë referimin lidhur me Rregullo...
-
Ministri Maqedonci udhëton në Hungari, pritet t’i zhvillojë disa takime
Ministri i Mbrojtjes, Ejup Maqedonci, ka udhëtuar për vizitë pune në Hungari....
-
Suharekë: Hyjnë me forcë në shtëpi dhe vjedhin para e stoli ari
Një person në Suharekë ka raportuar në polici të mërkurën se persona të panjo...
-
Rasti i Kolovicës ku mbetën të vrἀrë dy persona, arrestohet një i dyshuar
Policia e Kosovës ka konfirmuar se është arrestuar njëri prej të dyshuarve pë...
-
Kurti bashkëbisedoi me pjesëtarë të mërgatës në Hanover të Gjermanisë
Gjatë qëndrimit në Hanover, ku mori pjesë në panairin “Hannover Messe 2024”, ...
-
Policia shqipton mbi 2 mijë gjoba në trafik brenda 24 orëve
Policia e Kosovës ka bërë me dije se gjatë 24 orëve të fundit ka shqiptuar 20...
-
Mickoski: Bisedova me Taravarin dhe e urova për rezultatin në zgjedhje
Kryetari i VMRO-DPMNE-së, Hristijan Mickoski në një deklaratë për media pas s...
-
Zhduket një grua në Skënderaj
Policia e Kosovës ka njoftuar për zhdukjen e një gruaje në Skënderaj. Poli...