Lajme

KLSH kallëzon në Prokurori 4 zyrtarë të qarkut Lezhë, i shkaktuan 11 mln lekë dëme shtetit

Autori: Gazeta inFokus 13:57 | 08 August 2017

KLSH ka kallëzuar në prokurori 2 ish drejtorë dhe 2 specialistë të komisionit vendor të verifikimit të titujve të pronësisë në prefekturën e qarkut Lezhë, pasi i kanë sjellë dëm shtetit në vlerën 11 milionë lekë.

Gjatë auditimit u konstatuan shkelje dhe parregullsi të dispozitave ligjore në fuqi në fushën e trajtimit të titujve të pronësisë mbi tokën bujqësore.

Zyrtarët kanë ndarë tokë bujqësore më shumë se norma për frymë, nuk kanë liruar dhe nuk e kanë kaluar në pronësi e posedim të shtetit tokën bujqësore nga personat të cilët e përdorin në mënyrë të paligjshme, kanë marrë vendime të pa mbështetura në ligj dhe në tejkalim të kompetencave ligjore.

-Advertisement-

Për këto shkelje dhe për të tjera, KLSH ka kryer pranë Prokurorisë së Rrethit Gjyqësor Lezhë kallëzim penal ndaj B.Z. dhe A.P. me detyrë ish-Drejtorë të Komisionit Vendor dhe R.N. e E.G. me detyrë ish specialistë në Komisionin Vendor.

Subscribe në YouTube: GAZETA INFOKUSI