Sport

Klopp: Ramos s’është lojtari im i preferuar, veprimi ndaj Salahut ishte brutal

Autori: Gazeta inFokus 14:19 | 31 October 2024

Ish-trajneri i Liverpoolit, Jurgen Klopp, ka folur për ish-mbrojtësin e Real Madridit, Sergio Ramos, për të cilin tha se nuk është lojtari i tij i preferuar.

Klopp foli për lëndimin që Ramosi ia kishte shkaktuar sulmuesit të Liverpoolit, Mohamed Salah, në finalen e Championsit në vitin 2018.

“Veprimi ndaj Salahut ishte brutal. Sigurisht, ai nuk mund ta dinte se do ta lëndonte shpatullën, por ne të gjithë e dimë se ai [Ramos] e ka pranuar me shumë kënaqësi”, tha Klopp, shkruan gazetari sportiv, Fabrizio Romano, transmeton Klankosova.tv.

-Advertisement-

Tutje, Klopp tha se nuk ka mundur kurrë që ta kuptonte një mentalitet të tillë si të Ramosit.

“Nuk kam mundur kurrë ta kuptoja kurrë një mentalitet të tillë, nuk kam pasur kurrë lojtarë të tille dhe kur kam pasur, jam siguruar që t’i largoja”, tha ai.