Sport

Klopp i kundërpërgjigjet Mourinhos

Autori: Gazeta inFokus 15:53 | 27 July 2018

“Me kaq shumë shpenzime, Liverpooli duhet patjetër ta fitojë titullin e Premierligës”, kështu tha një ditë më parë Jose Mourinho, duke hedhur presionin te “redsat”.

Jurgen Klopp ka afruar lojtarë si; Keita, Shaqiri, Fabinho e Alison – dhe duke mos dashur të diskutojë asgjë për ato që tha trajneri i Manchester United, ai beson se Manchester City sërish është skuadër për t’u mposhtur në Premierligë.

“Mendoj se presioni është i ngjashëm, ashtu si vitin e kaluar – vetëm se këtë sezon njerëzit besojnë më shumë, por nuk ndryshon asgjë”, tha Klopp për ESPN.

-Advertisement-

“Puna jonë është që të përmirësojmë ekipin çdo vit, të përmirësojmë lojtarët dhe nëse e bëni këtë, atëherë po, rriten shanset (për titull)”, shtoi ai.

“Por, ekipet tjera nuk janë duke fjetur, Man City vazhdon të jetë skuadër fantastike, Unitedi ka sërish ekip të mirë… aty janë edhe Chelsea, Arsenal, Tottenham”, theksoi mes tjerash Klopp.

Subscribe në YouTube: GAZETA INFOKUSI