Lajme

Klinika e Onkologjisë ka një njoftim për pacientët: Nuk kryen këto shërbime sot dhe nesër

Autori: Gazeta inFokus 12:16 | 20 December 2022

Reparti i radioterapisë në Klinikën e Onkologjisë në QKUK sot dhe nesër nuk do të ofrojë shërbime për pacientë, pasi stafi i këtij reparti do të trajnohen për të punuar me CT simulatorin e instaluar rishtas.

Kështu ka njoftuar Shërbimi Spitalor Klinik Universitar i Kosovës. Nga ky institucion kanë thënë se trajnimi i stafit do të zgjasë sot dhe nesër me dy ndërrime, për të shkurtuar kohën e pezullimit të shërbimeve për pacientë.

Njoftim nga Klinika e Onkologjisë në QKUK

-Advertisement-

Klinika e Onkologjisë, Reparti i Radioterapisë është pajisur me aparaturë të re të Tomografisë së Kompjuterizuar per simulimin e pacientëve (CT simulator).

Pas mbarimit te procedurave të instalimit dhe kalibrimit, tashmë klinika posedon CT -simulator modern, i cili ofron kualitet të lartë për identifikimin e zonave me interes.

Në veçanti i identifikon dhe korigjon imazhet në të cilat gjenden trupat e huaj.

Sipas planit të paraparë nga operatori, stafi duhet të trajnohet për 4 ditë, në datat e rezervuara nga ekspertët e fushës për shkak të kalendarit të planifikimit.

Klinika ka vendosur që trajnimi të mbahet në vetëm 2 ditë, me qëllim që numri i diteve gjatë të cilave Reparti i Radioterapisë nuk do të ofrojë shërbime për pacientët të jetë jete sa më i shkurtë.

Andaj, gjatë kohës së trajnimit me 20 e 21 dhjetor 2022( e martë dhe e merkurë), në dy orare të paradites dhe pasditës nuk do të punohet me pacientë në Radioterapi. Pacientët janë njoftuar lidhur me këtë.

Kjo po bëhet me qëllimin e vetëm që kualiteti i shërbimeve në klinikë të rritet në vazhdimësi, duke e pasur përherë në prioritet shëndetin e pacientëve tanë.

Subscribe në YouTube: GAZETA INFOKUSI