Lajme

Klinë, eliminohen 30 deponi ilegale të mbeturinave

Autori: Gazeta inFokus 14:16 | 05 June 2017

Me rastin e Ditës Botërore të Mjedisit, të hënën në disa zona të Komunës së Klinës, është organizuar aksioni i eliminimit të deponive ilegale.

Dardan Bashota, zyrtar për Mjedis në Drejtorinë e Urbanizmit në Klinë, ka bërë të ditur se deri më tani janë eliminuar 30 deponi ilegale kryesisht në zonat rurale, ndërkohë që aksioni për eliminimin e deponive ilegale do të vazhdojë ditëve në vijim deri në eliminimin e plotë të tyre.

Bashota apelon te qytetarët që të hedhin mbeturinat në vendet e caktuara, ngase gjitha fshatrat janë në sistemin organizativ të grumbullimit të mbeturinave.

-Advertisement-

“Të gjithë duhet të kujdesemi për një ambient më të pastër, ngase kjo ndikon që të kemi shëndet më të mirë”, tha ai.

Aksionin dhe financimin e këtij projekti e ka bërë Komuna e Klinës, e cila është e përkushtuar në krijimin e një ambienti sa më të pastër dhe në shumë vende ka vendosur shenja ndalimi për hedhjen e mbeturinave.

Subscribe në YouTube: GAZETA INFOKUSI