Lajme

Klinaku i OVL UÇK-së e pyet Kurtin nëse ka takuar zyrtarë të Speciales gjatë vizitës në Bruksel

Autori: Gazeta inFokus 16:39 | 29 May 2021

Në një raport i Këshillit të Bashkimit Evropian, i cili po qarkullon në media, thuhet se angazhimi i Kurtit për të vazhduar bashkëpunimin në mënyrë konstruktive me Dhomat e Specializuara dhe Zyrën e Prokurorit Special do të vlerësohej shumë brenda Bashkimit Evropian.

“Angazhimi serioz i z. Kurti për të vazhduar bashkëpunimin në mënyrë konstruktive me Dhomat e Specializuara dhe Zyrën e Prokurorit Special do të vlerësohet shumë brenda BE-së. Gatishmëria e tij për të mbështetur zgjatjen e mandatit të EULEX-it është e mirëseardhur dhe hap i rëndësishëm që do të ndihmojë Dhomat e Specializuara dhe Zyrën e Prokurorit Special për të përmbushur mandatin e tyre në Kosovë”, thuhet në dokumentin e publikuar sot.

Lidhur me këtë raport ka reaguar sekretari i OVL UÇK’së, Faton Klinaku, i cili ka kërkuar transparencë nga kryeministri Kurti duke e pyetur nëse në Bruksel ka takuar zyrtar të Speciales.

-Advertisement-

“Si OVL- UÇK kërkojmë që kryeministri Albin Kurti të jetë transparent me publikun dhe të tregojë se a është takuar në Bruksel me Dhomat e Specializuara për t’iu ofruar bashkëpunim”, ka thënë Klinaku.

Subscribe në YouTube: GAZETA INFOKUSI

Të tjera

Fokusi

lajme