Kjo do të jetë miliarderja më e re në moshë
Autori: Gazeta inFokus 09:40 | 18 July 2018
Kylie Jenner, më e vogla e motrave Kardashian, është renditur në vendin e tretë në klasifikimin e përvitshëm të Forbes të njerëzve të famshëm më të paguar në botë.
Edhe një reality show mbi familjen dhe 100 milionë ndjekës në rrjetet sociale kanë luajtur rolin e tyre. Forbes thotë se Kylie vlen tani tre herë më shumë se motra e saj Kim. Vitin e kaluar, Jenner ishte një hyrje e re në klasifikimin e Forbes, por që prej atëherë është ngjitur me shpejtësi nga vendi i 59 në vendin e 3-të.
Jenner, 20 vjeç, është themeluesja dhe pronarja e vetme e Kylie Cosmetics, një kompani makeup, të cilën ajo e drejton në pjesën më të madhe të kohës nga iPhone X i saj i zi, me ndihmën e mamasë së saj, Kris. Me vetëm 12 punonjës (7 me kohë të plotë dhe 5 me kohë të pjesshme), Kylie Cosmetics ka shitur më shumë se 630 milionë dollarë (£480m) buzëkuq, lapsa buzësh dhe shkëlqyes si dhe makeup që kur Jenner e themeloi biznesin në Ditën e Shën Valentinit, në vitin 2016.
Jenner është këtë javë në kopertinën e revistës ‘Forbes’, e cila vlerëson se të ardhurat neto arrijnë në 900 milionë dollarë. Revista shkruan se Kylie Cosmetics është duke u rritur me një ritëm aq të shpejtë saqë Jenner ka mundësi të bëhet miliardere në moshën 22-vjeçare – një vit më e re se themeluesi Mark Zuckerberg, i cili iu bashkua klubit me “nëntë zero” në vitin 2008.
Sot miliarderët janë gjithnjë e më të rinj në moshë. Investitori legjendar Warren Buffet, i cili është sot njeriu i tretë më i pasur në botë, me një pasuri 83 miliardë dollarë, u bë pjesë e këtij ‘klubi’ në vitin 1986, kur ishte 56 vjeç. Jeff Bezos, themeluesi i Amazon dhe njeriu më i pasur në botë, me pasuri 145 miliardë dollarë, u bë miliarder në vitin 1999, në moshën 35-vjeçare. Bashkëthemeluesi i Google, Larry Page, e arriti miliardin e tij të parë 30 vjeç, në vitin 2004, kur motori i kërkimit u bë edhe më i përdorur. Themeluesi i Snapchat, Evan Spiegel, u bë miliarder në vitin 2015, në moshën 25-vjeçare.
Thuajse të gjitha shitjet e Kylie Cosmetic’s vijnë nga rrjetet sociale të Jenner. Ajo ka 111 milionë ndjekës në Instagram (77% e të cilëve të moshës mes 18 – 24 vjeç), është një ndër account-et më të ndjekur në Snapchat dhe ka 25 milionë ndjekës në Twitter. Aq e madhe është pesha e ndikimit të saj sa kur shkroi se ishte “sooo over” në Snapchat në fillim të këtij viti, aksionet e kompanisë u zhvlerësuan 1 miliard dollarë.
Shitjet janë rritur edhe më shumë duke shkaktuar FOMO (fear of missing out – frikën e humbjes) te ndjekësit e saj me publikime se koleksionet janë në një sasi të limituar. Jenner, e cila ka qenë në sytë e publikut kur bëri debutimin e saj në Keeping Up With The Kardashians një dekadë më parë, vetëm 10 vjeç, tha: “Rrjetet sociale janë një platformë e mrekullueshme. Komunikimi me ndjekësit dhe klientët është kaq i thjeshtë!”.
“Mbretëresha sovrane e Snapchat. Një njeri kaq i dashur në Reality Tv. Manjate në kozmetikë. Ajo është më shumë se një fytyrë e famshme – më e reja e motrave Kardashian e ka kaluar moshën 19-vjeçare duke monetizuar emrin e saj dhe duke e bërë të famshëm në një kompani kozmetike”, – shkruan Shopify në faqen e vet.
“Që kur isha 15 vjeç, isha e fiksuar me buzëkuqin. Nuk kam mundur të gjej kurrë një buzëkuq dhe një laps buzësh që të mund të përshtateshin në mënyrë të përsosur. Këtu më lindi ideja që doja të krijoja linjën time”, ka thënë Jenner në një intervistë për Shopify. Ndërkohë që kishte një numër të konsiderueshëm ndjekësish, Jenner tha se kishte frikë që shitjet mund të binin kur u krijuar ëebsite i saj i parë.
“Mora mamin në telefon, dhe i thashë: ‘Mami, kam shumë frikë. Mendon se do të shesë?’ Investova gjithë paratë që kisha në këtë gjë. Gjithçka”.
Tani që biznesi po rritet, Jenner e cila drejton një Bentley Bentayga, që vlerësohet £ 162.700 – po merr në konsideratë mundësinë për ta shndërruar kompaninë në biznes familjar. Ndoshta një ditë, do t’ia kaloj këtë biznes mbesës sime, Stormi, nëse dëshiron” – tha Jenner për ‘Forbes’.
Të tjera
-
Lajçaku thotë se anëtarësimi në BE, është nxitja më e fortë për zgjidhjen e mosmarrëveshjeve siç ka Kosova dhe Serbia
Ndërmjetësuesi i BE-së, për dialogun, Miroslav Lajçak ka thënë sot se perspek...
-
Ferizaj: Djali e rrāh babain, e sülmon me kubëz betoni dhe tenton ta godās me veturë
Një ngjarje e rëndë ka ndodhur të enjten në Ferizaj. Si rezultat i një mos...
-
Mentor Beqiri në paraburgim, dështon seanca për detyrimin 2.8 milionësh ndaj ATK-së
Në Gjykatën Themelore të Prishtinës, ka dështuar të mbahet një gjykim për një...
-
Kosova në Këshillin e Evropës, Rusia: Turp!
Autoritetet ruse e kanë cilësuar “të turpshëm” vendimin e fundit të Asamblesë...
-
Sinjalizuesi: Letër shqetësimi kryeministrit Kurti për rastin e përndjekjes së një shërbyesi civil që e denoncoi korrupsionin
Sinjalizimi i një rasti që kishte të bënte me “Faljen e borxheve për Ambalazh...
-
Policia konfiskon mbi 2 mijë patentë-shoferë për tre muaj
Policia e Kosovës i ka shtuar aktivitetet e saj për të parandaluar aksidentet...
-
Vd*es profesori Binak Gërguri
Ka vdekur profesori Binak Gërguri, punonjësi shumëvjeçar i Institutit Pedagog...
-
NDODH DHE KJO/ Mjekët japonezë padisin Google Maps, ja arsyeja
Afër 60 mjekë në Japoni kanë ngritur padi, duke akuzuar Google Maps për injor...
-
Policia konfiskon dy armë zjarri në dy raste të ndryshme në Suharekë
Policia e Kosovës ka njoftuar për konfiskimin e dy armëve të zjarrit brenda 2...
-
Policia e Prishtinës vazhdon aktivitetet për largimin e personave që kërkojnë lëmoshë në rrugë
Policia e Prishtinës po i vazhdon aktivitetet për largimin e personave që kër...
-
Stano: Themelimi i Asociacionit çështje urgjente, moszbatimi i marrëveshjeve ka pasoja për të dyja palët
Sot janë bërë 11 vjet nga arritja e marrëveshjes së parë në mes të Kosovës dh...
-
Kurti ‘i dështojnë’ inspektimet, banorët protestojnë për zgjerimin e rrugës Kijevë-Dollc
Kryeministri i Kosovës, Albin Kurti ka inaguruar fillimin e punimeve për zgje...