Lajme

Kjo lagje në Prishtinë mbetet pa ngrohje si pasojë e shpërthimit të një gypi

Autori: Gazeta inFokus 18:34 | 04 December 2019

Një lagje në qytetin e Prishtinës ka mbetur pa ngrohje qendrore.

Është kjo lagjja e Ulpianës në Prishtinë e cila mbeti pa ngrohje për shkak të shpërthimit të një gypi, shkruan gazeta inFokus.

““Termokos” njofton se sot pasdite kanë vërejtur se ka rrjedhje nga gypi afër shkollës “Hasan Prishtina”.

Si pasojë e kësaj rrjedhjeje jemi detyruar, që të ndërpresim furnizimin me ngrohje për gjithë lagjen “Ulpiana”.

Ekipet tona janë në terren në përpjekje për të sanuar dëmtimin e gypit të ngrohjes.NP “Termokos” kërkon mirëkuptimin e konsumatorëve të lagjes “Ulpiana”, derisa të arrijmë të evitojmë problemin e paraqitur dhe të rikthejmë furnizimin me ngrohje”, thuhet në kumtesë./Gazeta inFokus/.

Të tjera