Lajme

Kjo është shuma e arit të vjedhur në argjendarinë në Suharekë

Autori: Gazeta inFokus 18:53 | 22 November 2023

Prokurorja Ervehe Gashi nga Prokuroria Themelore e Prizrenit, ka konfirmuar se vlera e arit që u vodh sot në argjendarinë në Suharekë është 250 mijë euro.

Prokurorja Gashi deklaroi se nga kjo ngjarje dy policë kanë mbetur të lënduar.

Gjithashtu ajo theksoi për Gazetën Express se prokurori nga Prokuroria e Prizrenit ndodhet në vendin e ngjarjes.

-Advertisement-

Në grabitjen e armatosur dyshohet të jenë të përfshirë katër persona. Deri më tani nuk ka asnjë arrestim.

Nga të shtënat me armë zjarri një polic është plagosur nga plumbi rikoshet dhe një tjetër ka marrë lëndime trupore, por jo nga plumbi, këtë informacion e konfirmoi për Gazetën Express zëdhënësi i Policisë për Rajonin e Prizrenit, Shaqir Bytyqi.

Subscribe në YouTube: GAZETA INFOKUSI