Fokus

Kjo është pasuria e personave që fshehën qindra mijëra euro në tualet

Autori: Leoreta Abazi 13:50 | 25 February 2021

Gjatë aksionit të djeshëm ku u arrestuan 12 persona prej tyre 10 zyrtar është edhe Drejtori i Drejtorisë për Pagesa Direkte në Agjencinë për Zhvillimin e Bujqësisë, Luan Statovci.

Drejtori i Krimeve Ekonomike dhe Kundër Korrupsionit, Nazim Sahiti ka thënë se gjatë kontrollimit të shtëpisë, në Batllavë, gruaja e Statovcit paratë kishte tentuar ti fshihte në dhoma e në tualet, shkruan Gazeta inFokus.

Në pjesën e deklarimeve pasurore të paluajtshme, Statovci ka deklaruar të vetën vetëm një shtëpi të trashëguar, në vlerë 200,000 euro.

Kurse tokën në vlerë 25,000 euro dhe një shtëpi tjetër, në vlerë 100,000 euro përpos të trashëguara, Statvoci e ka edhe të përbashkët.

Para të gatshme të mbajtura në institucione financiare, Statovci ka 3,276 euro e 54 cent.

Ndërsa bashkëshortja e tij së bashku me fëmijët në bank posedojnë 9,787 euro e 86 cent.

Gjithashtu në deklarimin e pasurisë figuron edhe një kredi e marrë nga bashkëshortja e Luan Statovcit, kjo kredi është marrë për veturë në vlerë 14,000 euro.


Paga totale e Luan Statovcit kap vlerën 7,133 euro e 40 cent. Por për dallim nga Luani, bashkëshortja e tij ka 3 paga mujore.

E paga totale më e madhe që merr ajo është 35,352, e dyta është 25,620 euro dhe e treta është vetëm 3,000 euro.

Vetëm tri pagat e bashkëshortes së tij, në total kapin shumën hiq më pak se 63,972 euro.

Po ashtu kjo është hera e dytë që Statovci përfundon nën pranga të policisë, pasi ishte arrestuar edhe më 2017 dhe akuzohej për keqpërdorim të pozitës zyrtare. /Gazeta inFokus/

Të tjera