Lajme

Kjo është kompania që mashtroi për renovimin e Spitalit të Gjilanit

Autori: Gazeta inFokus 14:28 | 23 November 2021

Prokuroria Themelore në Gjilan, ka njoftuar se i është vendosur caktimi i masës së paraburgimit për 48 orë ndaj pronarit të një kompanie e cila në mënyrë të kundërligjshme ka paraqitur dokumentacione të rreme dhe ka fituar tenderin.

Pronari i kompanisë ’Tribune’’, SH.P.K., Prishtinë, ka shkelur rregullat e prokurimit publike, dhe ka arritur të shpallet fitues i tenderit prej 47 mijë e 58 euro e 3 cent, shkruan Gazeta Infokus.

“Me këto veprime, i pandehuri J.M., dyshohet të ketë kryer veprën penale ‘’Keqpërdorimi dhe mashtrimi në prokurim publik’’, nga neni 415 të Kodit Penal të Republikës së Kosovës (KPRK)”, thuhet në njoftim.

-Advertisement-

J.M pa autorizim ka lëshuar dokument në emër të personit tjetër, ashtu që ka prezantuar kontratë mbi vepër, të cilën e ka nënshkruar në emër të dikujt tjetër, ka përpiluar CV dhe referenca me përmbajtje të rreme të kompanisë së tij.

Në këtë mënyrë, i njëjti dyshohet edhe për veprën penale ‘’Rastet e posaçme të falsifikimit të dokumenteve’’, nga neni 391 të KPRK-së. /Gazeta Infokus/

Subscribe në YouTube: GAZETA INFOKUSI