Lajme

Kjo është gjendja e rrugëve pas reshjeve të borës në Kosovë

Autori: Gazeta inFokus 10:22 | 08 February 2022

Edhe pse pasditen e së hënës Kosova u mbulua nga reshjet e borës, gjendja në rrugët e vendit është mirë, shkruan Gazeta Infokus.

Kështu të paktën kanë deklaruar për Gazetën Infokus nga Ministria e Mjedisit, Planifikimit Hapësinor dhe Infrastrukturës duke thënë se autoudhët, rrugët Nacionale dhe
Regjionale janë të qarkullueshme pa pengesa.

“Kjo gjendje është si rrjedhojë e një aktiviteti të pandërprerë gjatë tërë natës së mbrëmshme, por edhe në vazhdim nga ana e kompanive mirëmbajtëse të cilat janë të kontraktuara nga MMPHI”, kanë thënë nga kjo ministri.

-Advertisement-

Gjithashtu nga Ministria e Mjedisit, Planifikimit Hapësinor dhe Infrastrukturës kanë bërë thirrje tek shoferët që të kenë kujdes dhe të bartin pajisjet dimërorë.

“Mosrespektimi i kësaj thirrjeje nënkupton krijimin e pengesave ne rrugë, sidomos në formimin e kolonave nga automjetet, si pasojë e të cilave vjen deri të pamundësia e futjes së makinerisë borëpastruese e që në ato raste lehtësisht vjen deri të krijmi i shtresave të akullit dhe rrjedhimisht edhe deri të pengesat serioze në qarkullimin rrugor”, thuhet në përgjigjen e tyre./Gazeta Infokus/

Subscribe në YouTube: GAZETA INFOKUSI
Etiketa:

Të tjera

Fokusi

lajme