Lajme

Kjo është gjendja e rrugëve në Kosovë pas reshjeve të borës

Autori: Gazeta inFokus 09:49 | 25 November 2023

Zëvendësministri i Infrastrukturës, Hysen Durmishi, ka thënë se të gjitha rrugët të cilat menaxhohen nga ministria e Mjedisit, Planifikimit Hapësinor dhe Infrastrukturës, janë të kalueshme pas reshjeve të borës.

Durmishi, në një prononcim për Klankosova.tv tha se komplet territorin po e mbulojnë me 19 kontrata, ku katër nga to janë për autostrada.

“Unë jam duke kontaktuar nonstop me menaxherët të cilët janë në terren. Komplet territorin po e mbulojmë me 19 kontrata, ku katër janë për autostrada”.

-Advertisement-

“Të gjitha rrugët janë të kalueshme dhe të gjitha kompanitë janë në terren. Nuk ka asnjë problem me rrugët të cilat menaxhohen prej ministrisë”, tha Durmishi.

Kujtojmë se reshjet e borës kanë nisur të bien në orët e hershme mëngjesin e sotëm, e edhe komunat kanë thënë se po kujdesen për rrugët të cilat janë nën menaxhimin e tyre.

Subscribe në YouTube: GAZETA INFOKUSI