Sport

Kjo është dëshira e nënës së Ronaldos

Autori: Gazeta inFokus 18:39 | 01 June 2018

Dolores Aveiro, nëna e Cristiano Ronaldos, ka folur për të ardhmen e djalit të saj. Në një intervistë për SFR Sport, ajo ka theksuar se nuk do t’i pëlqente që djali i saj të luaj një ditë në PSG por të rikthehet në Manchester United.

”Më pëlqen Parisi. Unë shkojë atje kohë pas kohe. Herën e fundit kam qenë kur djali im fitoi Topin e pestë të Artë. U ndjeva shumë krenare. Cdo herë që shkojë në Francë të gjithë më trajtojnë mirë.”, iu përgjigj një pyetjes rreth kryeqytetit Francez.

Sa i përket pyetjes për të ardhmen e djalit të saj ajo shtoi: ”Nëse ju them të vërtetën nuk do të më pëlqente që ai të luaj PSG, por do të preferoja që ai të kthehej në Manchester.”

-Advertisement-

Kjo intervistë ishte disa ditë para finales së Kievit, ku pas saj Cristiano shkaktoi dyshime për të ardhmen e tij në Madrid dhe tha se do të shikojë të ardhmen pas disa ditëve.

Duke pritur për deklarata të reja, e përditshmja AS ka zbuluar se PSG është e gatshme të paguaj 45 milionë euro pagë vjetore për Portugezin, që do t’a barazonte me aq sa merr Messi në Barcelonë. Gjithcka pritet të zbulohet në javët e ardhshme.

Subscribe në YouTube: GAZETA INFOKUSI