Lajme

Kjo është barrikada e re e vendosur në veri nga serbët

Autori: Gazeta inFokus 21:03 | 15 December 2022

Transmetuesi publik ka raportuar drejtpërdrejt nga fshati Çabër, ku janë vendosur barrikada të reja nga serbët lokal.

Televizioni ka raportuar se me t’u afruar tek barrikadat janë parë disa persona civil para kamionëve të vendosur aty, por që të njëjtit sipas saj kur kanë parë se janë ekipe mediash janë tërhequr tutje.

Gazetarja ka treguar se në atë pjesë nuk ka të vendosura forca policore, as pjesëtarë të EULEX-it e as të KFOR-it, por tha se këta të fundit shihen derisa patrullojnë në lëvizje zonën duke shfrytëzuar dy rrugë alternative në atë pjesë.

-Advertisement-

Tutje, raportohet se se po dëgjohen edhe disa shpërthime, të cilat janë të fishekzjarrëve.

Se nuk duhet shqetësuar nga këto shpërthime, meqë janë veç mjete piroteknike ia ka konfirmuar RTK-së edhe drejtori i policisë për veriun, Besim Hoti.

Siç ka thënë ai, tash është kohë festash e shpërthime të tilla mund të dëgjohen, por sipas tij nuk janë shqetësuese.

Ndërkohë, për RTK-në, Baki Kelani nga Policia e Kosovës ka thënë se situata është e qetë, por e brishtë për shkak të zhvillimeve të fundit në atë pjesë.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme