Lajme

Kjo është arsyeja që ministri Latifi u takua me kryetarin e ri të Gjilanit

Autori: Gazeta inFokus 16:26 | 08 February 2022

Ministri i Shëndetësisë, Rifat Latifi, bashkë me zëvendëskryeministren Emilia Rexhepi, sot  janë takuar me kryetarin e komunës së Gjilanit, Alban Hyseni, shkruan Gazeta Infokus.

Në këtë takim, kanë diskutuar për rëndësinë e bashkëpunimin në mes autoriteteve qendrore dhe atyre lokale për sa i përket menaxhimit të situatës epidemiologjike lidhur me Covid-19.

Kjo është bërë e ditur përmes një njoftimi të Ministrisë së Shëndetësisë.

-Advertisement-

Sipas tyre, kryetari i kësaj komune e ka informuar zëvendëskryeministren dhe ministrin për aktivitetet që ka ndërmarrë kjo komunë për përballimin më të mirë të situatës me pandeminë.

“Një bashkëpunim i ngushte midis Ministrisë dhe komunave, ka theksuar ai, do t’i shpërfaq sa më drejt nevojat që i ka komuniteti në rrafshin e marrjes së shërbimeve shëndetësore për përmirësimin e këtyre shërbimeve dhe indikatorëve shëndetësor. Ministri Latifi ka theksuar se rishikimi I nevojave që kanë komunat në fushën e shëndetësisë është me prioritet me qëllim që shërbimet t’u përgjigjen nevojave të qytetarëve”, thuhet në njoftimin e tyre.

Po ashtu thuhet se Ministri Latifi qëndroi edhe në Spitalin e Përgjithshëm të Gjilanit ku me ushtruesin e detyrës së drejtorit të  këtij spitali, Arsim Emini, diskutuan për punën që bëhet aty.

Diskutuan për sfidat, nevojat dhe riorganizimin e shërbimeve me qëllim të ngritjes së cilësisë dhe sigurisë së tyre./Gazeta Infokus/

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme