Kirurgjia Vaskulare ka mungesë të grafteve arteriale që kushtojnë 800 euro, pacientët detyrohen t’i sigurojnë vetë
Autori: Gazeta inFokus 10:56 | 14 May 2022
Ka më shumë se një muaj që në Klinikën e Kirurgjisë Vaskulare ka mungesë të grafteve arteriale të madhësisë prej 8 milimetrash që zëvendësojnë arterien e pacientëve. Në mungesë të tyre pacientët po detyrohen t’i sigurojnë vetë ato, por çmimi i këtyre lloj protezave është mjaftë i shtrenjtë pasi kostoja shkon deri në 800 euro.
Fehmi Uka që nga e hëna është i shtrirë në Klinikën e Kirurgjisë Vaskulare pasi gishtat e këmbës i ka në gjendje shumë të rëndë, e ndonëse iu tha se do të mund të operohet të martën, ky pacient ende nuk ka arritur ta kryejë këtë ndërhyrje kirurgjike pasi mungojnë graftet arteriale.
Sipas tij, kostoja prej 800 eurosh për ta blerë këtë lloj bajpasi është mjaft e lartë, por nuk ka pas zgjidhje tjetër.
“Tash për momentin kam problem me këmbën… mjekët po më thonë se për ta bërë operacion por ai bajpas po më kushton goxha shtrenjtë: 800 euro… Duhet me e ble… Qe katër ditë (jam i shtrirë)…. Më kanë thënë ditën e martë që do të operohem… Kjo është që këtu spitali nuk po ka, në privat po kushton dhe nuk po gjenden”, tha ai.
E ndonëse e siguroi dhe e bleu vetë një protezë arteriale të tillë, pacienti Uka nuk u operuar gjatë kësaj jave, pasi bajpasi nuk i kreu punë meqenëse madhësia e atij që e bleu ishte 6 milimetra, kurse pacientit i duhet 8 milimetra.
Ai thotë se nëse nuk arrin të operohet me kohë rrezikon ta humb komplet këmbën.
“Nuk më bëri kjo sepse ai është 6 mm tash po duhet 8 milimetra dhe nëse e gjejnë duhet nëse jo duhet të qëndroj kështu… nëse rrezikohet mundet edhe me u këput, të shkojë këmba krejt”, u shpreh ai.
Për mungesën e graft-arterialeve të gjatësisë prej 8 milimetrash, drejtori i Klinikës së Kirurgjisë Vaskulare, Hajriz Rudari thotë se e kanë njoftuar menaxhmentin e SHSKUK-së. Mungesat, sipas tij, janë për shkak se furnizuesit nuk i kanë furnizuar me këto lloj proteza për shkak të ndryshimit të çmimit.
Ai thekson se nëse këto grafte nuk sigurohen nga SHSKUK, apo vet pacientët, rrezikohet që shëndeti i të sëmurit të përkeqësohet edhe më shumë.
“Tani kemi mbetur me një pjesë të protezave, bajpaset, kur t’i bëjmë ajo është graft i themi ne në vend të arteries të vetë e marrim graft-arterial është si plastikë, graft që e zëvendëson arterien e pacientit. Nuk kemi tani për momentin 8 milimetra, janë të detyruar pacientët me i ble… Ajo kushton diku deri në 800 euro duhet me ble ose me prit pacienti ose i keqësohet gjendja sepse nuk kemi… Graftet mungojnë prej një muaji…. Ne i kemi bërë drejtorisë kërkesën ata që i kanë pasur furnizuesit, nuk po furnizojnë tani se ua kanë rritur çmimet edhe atyre dhe tash nuk po kanë llogari me atë çmim ashtu siç kam informata, unë tash besoj në javën e ardhshme që do të bëhet një zgjidhje unë kam dërguar kërkesat edhe tek doktor Valboni (Krasniqi, drejtor i SHSKUK) ka mbet ai t’i rregulloj dhe t’i nënshkruaj”, theksoi ai.
KosovaPress ka tentuar të marr një përgjigje nga Shërbimi Spitalor Klinik Universitar i Kosovës për mungesën e këtyre materialeve operative në Klinikën e Kirurgjisë Vaskulare, por që këta të fundit nuk kanë kthyer ndonjë përgjigje.
Të tjera
-
Vajza e Sanduloviqit flet për kërcënimet: Më kanë përcjellur në rrugë, çdo ditë është një rrezik potencial
Vajza e politikanit serb , Nikolla Sanduloviq , Klara Sanduloviq duke folur p...
-
Sveçla për qendrat e votimit për të dielën: Jemi në asistim të çfarëdo vendimi të KQZ’së për të organizuar mbarë dhe qetë procesin
Ministri i Punëve të Brendshme, Xhelal Sveçla, në konferencën e sotme u pyet ...
-
Autoritetet serbe deklarojnë se Jankoviq është në paraburgim
Ministria e Punëve të Brendshme e Serbisë ka njoftuar se nga katër pjesëtarë ...
-
Sot mbahet seanca dëgjimore për xhudistin Akil Gjakova – kërkohet paraburgimi i tij
Gjykata Themelore e Pejës sot do të mbajë seancë dëgjimore për të caktuar mas...
-
Vjosa Osmani nderohet me Çmimin e Evropës, para saj i ishte ndarë Merkelit, Reaganit dhe Rugovës
Presidentja Vjosa Osmani është nderuar nga Fondacioni Pan-Evropian Richard Co...
-
Sveçla:Ngjarjet e djeshme kërcënim për sigurinë dhe stabilitetin në rajon
Ministri i Brendshëm i Kosovës, Xhelal Sveçla, në konferencën për medie duke ...
-
Kurti: Sikur Serbia të ishte nën sanksione, s’do të ishim në këtë situatë – ky është shtet mafioz
Kryeministri i vendit, Albin Kurti, ka thënë se po të kishte sanksione ndaj S...
-
Serbia dje ndaloi mbi 1 mijë kosovarë, ministri i brendshëm jep detaje: U maltretuan – i pyetën për lidhjet me UÇK-në
Ministri i Punëve të Brendshme, Xhelal Sveçla ka folur për ndalimin e qindra ...
-
Hovenier: Jam i shqetësuar me ndalimin e zëvendësdrejtorit të policisë Jankoviq nga Serbia
Ambasadori i Shteteve të Bashkuara të Amerikës Jeffrey Hovenier, ka zhvilluar...
-
Bora mbulon Zvicrën dhe Gjermaninë
Edhe pse gjysma e prillit ishte jashtëzakonisht e ngrohtë, temperaturat janë ...
-
Haradinaj: Institucionet shtetërore të japin ultimatum të prerë për lirimin e Jankoviqit
Kryetari i AAK-së, Ramush Haradinaj ka thënë se ka qenë inert reagimi i Kosov...
-
Borrell paralajmëron lúftë të gjerë në Lindjen e Mesme
Takimi i ministrave të jashtëm të G7-ës ka filluar të enjten me diskutimet e ...