Lifestyle

Kinezja nuk e shet pronën, shteti ia ndërton autostradën rreth shtëpisë

Autori: Gazeta inFokus 10:43 | 10 August 2020

Një qytet kinez ndërtoi një urë rreth një shtëpie të vogël pasi pronari ka refuzuar t’ia shesë shtetit për dekada.

Pamjet e mediave lokale tregojnë pronën e ngatërruar midis urës së ndërtuar së fundmi Haizhuyong në qytetin Guangzhou, provinca Guangdong.

Shtëpia ka një kat dhe përbëhet nga një apartament prej 40 metrash katrorë dhe sikur qëndron në një ‘vrimë’ në mes të rrugës me katër korsi.

-Advertisement-

Pronarja, e njohur me mbiemrin Liang, nuk donte të zhvendosej pasi që shteti nuk gjeti një vend ideal si kompensim.

“Unë i di pasojat dhe nuk më intereson se çfarë mendojnë të tjerët për mua. Ju mendoni se ky ambient është i keq, por mendoj se është i qetë, çlirues dhe i rehatshëm”, tha ajo.

Pronarja thuhet se kërkoi katër apartamente dhe shteti ra dakord t’i jepte vetëm dy. Asaj iu ofrua gjithashtu strehim pranë morgut të qytetit, që është një arsye tjetër pse ajo nuk pranoi të largohej.

Autoritetet pretendojnë se gjithashtu i ofruan para, por që ajo nuk pranoi. Pastaj inxhinierët studiuan projektet përsëri për të bërë një urë që anashkalonte shtëpinë, ndërkohë që shteti do të vazhdojë të negociojë me Liang.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera