Kina lëshon modulin kryesor të stacionit të vet hapësinor
Autori: Gazeta inFokus 11:44 | 29 April 2021
Kina dërgoi të enjten në hapësirë modulin kryesor të stacionit të saj hapësinor, duke nisur një varg misionesh lëshimi, me synimin për të përfunduar ndërtimin e stacionit hapësinor deri në fund të vitit të ardhshëm.
Raketa “Marshimi i Madh-5B Y2”, që mbante modulin “Tianhe”, u nis nga vendi i lëshimit Wenchang në provincën ishullore Hainan në 11:23 të paradites sipas orës së Pekinit.
“Tianhe” do të shërbejë si nyjë e menaxhimit dhe e kontrollit të stacionit hapësinor “Tiangong”, që në gjuhën kineze do të thotë “Pallati Qiellor”. Moduli mund të mbajë deri në tre anije kozmike në të njëjtën kohë për qëndrime të shkurtra, ose dy për një kohë të gjatë.
“Tianhe” ka një gjatësi të përgjithshme prej 16.6 metrash, diametër maksimal 4.2 metra e një masë ngritjeje 22.5 tonë, dhe është anija kozmike më e madhe e prodhuar nga Kina.
Stacioni hapësinor do të ketë formë T-je, me modulin kryesor në qendër dhe nga një kapsulë laboratorike në secilën anë. Secili modul do të jetë mbi 20 tonë. Kur stacioni të lidhet me anijet kozmike me astronautë ose ato të mallrave, pesha e tij mund të arrijë afro 100 tonë.
Stacioni do të funksionojë në orbitën e ulët të Tokës në një lartësi 340 deri në 450 km. Ai ka një jetëgjatësi të projektuar prej 10 vjetësh, por ekspertët besojnë se, me mirëmbajtjen dhe riparimet e duhura, mund të zgjasë më shumë se 15 vjet.
Moduli kryesor “Tianhe” do t’u ofrojë astronautëve gjashtë zona, përkatësisht për punë, fjetje, higjienë, ngrënie, kujdes shëndetësor dhe stërvitje.
Astronautët mund të kontrollojnë ndriçimin e kabinës dhe pajisjet e kuzhinës nëpërmjet një aplikacioni dhe t’i telefonojnë njëri-tjetrit, ose të komunikojnë me Tokën me anë të valëve. Banda e gjerë me kapacitet të madh mund të mbështesë gjithashtu transmetimin e një vëllimi të madh të të dhënave eksperimentale në Tokë.
Shpejtësia e madhe e rrjetit hapësirë-Tokë do t’u lejojë gjithashtu inxhinierëve të ngarkojnë programe të modifikuara softuerësh në stacionin hapësinor.
Si themel i stacionit, “Tianhe” do t’i ndihmojë inxhinierët kinezë të hapësirës të kryejnë verifikimin e teknologjive kryesore, duke përfshirë krahët diellorë elastikë, montimin e mirëmbajtjen në orbitë dhe, mbi të gjitha, një sistem të ri të sigurimit të mbijetesës.
Mbarështimi i farërave, studimet farmaceutike dhe zhvillimi i materialeve të rëndësishme në stacionin hapësinor pritet të sjellin përfitime ekonomike. Edhe teknologjia e sigurimit të mbijetesës dhe ajo energjetike mund të jenë të dobishme për zhvillimin ekonomik dhe shoqëror.
Stacioni hapësinor pritet të ndihmojë në zhvillimin paqësor dhe përdorimin e burimeve hapësinore nëpërmjet bashkëpunimit ndërkombëtar, si dhe të pasurojë teknologjitë dhe përvojën për eksplorimet e ardhshme të Kinës në një hapësirë më të thellë.
Të tjera
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...