Lajme

Kina e largët “ndërhyn” në Kosovë, përmes reagimeve në statusin e Muratit

Autori: Gazeta inFokus 19:29 | 04 September 2022

Arlind Manxhuka, zëdhënës i Lëvizjes Vetëvendosje, ka thënë se kundërshtarët “po blejnë reagime kundërshtuese nga Kina”.

Këtë Manxhuka e ka lidhur me statusin e ministrit të Hekuran Murati i cili dha detaje më shumë për pakon e re qeveritare – aty 2 mijë e 400 like ishin me “haha”, një reagim që e mundëson Facebooku.

“Pasi dështojnë të bindin qytetarët e Kosovës për punët e Qeverisë, janë të detyruar të blejnë “reagime” kundërshtuese me qytetarë nga Kina. Qarja duhet kërkuar diku”, ka shkruar Manxhuka në Facebook.

-Advertisement-

Në të kaluarën, Lëvizja Vetëvendosje ka qenë e kritikuar pikërisht për “blerje të reagimeve në Facebook”.

Madje, partia që drejtohet nga Albin Kurti ishte akuzuar se “i ka blerë votat nëpër sondazhe televizive si dhe platforma online”.

E suksesi në rrjete sociale është parë vazhdimisht si një element i rëndësishëm në orientimin e opinionit.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera

Fokusi

lajme