Lajme

Kina do të luajë një “rol konstruktiv” për paqen në Ukrainë

Autori: Gazeta inFokus 14:54 | 25 March 2022

Presidenti kinez, Xi Jinping, i tha kryeministrit të Mbretërisë së Bashkuar, Boris Johnson, se vendi i tij do të luante një “rol konstruktiv” në kthimin e paqes në Ukrainë.

“Xi shpjegoi qëndrimin parimor të Kinës për çështjen e Ukrainës, duke theksuar se komuniteti ndërkombëtar duhet të promovojë me të vërtetë bisedimet e paqes, të krijojë kushte për zgjidhjen politike të çështjes ukrainase dhe të kontribuojë për kthimin e paqes në Ukrainë. Kina do të vazhdojë të luajë një rol konstruktiv në këtë drejtim”, shkruajnë mediat kineze.

Më parë, Pekini ka refuzuar të dënojë sulmin e Rusisë ndaj Ukrainës dhe dëshiron të shmangë ndikimin nga sanksionet që i ka cilësuar si një mënyrë joefektive për zgjidhjen e krizës.

-Advertisement-

Pekini, javën e kaluar, dha mbështetjen e tij të plotë për komentet e bëra në fillim të javës nga ambasadori i Kinës në Ukrainë.

Fan Xianrong tha se “kina nuk do ta sulmojë kurrë Ukrainën. Përkundrazi, ne do ta ndihmojmë ekonomikisht”.

Mediat gjithashtu raportuan javën e kaluar se Rusia i ka kërkuar Kinës mbështetje ushtarake, duke përfshirë dronët, si dhe ndihmë ekonomike për pushtimin e saj të paprovokuar të Ukrainës.

Këshilltari amerikan për sigurinë kombëtare, Jake Sullivan tha të martën se administrata nuk e ka parë Kinën t’i ofrojë Rusisë pajisje ushtarake që kur presidenti i SHBA-ve, Joe Biden, foli me presidentin e Kinës, Xi Jinping, të premten e kaluar.

Kina gjithashtu ka ofruar ndihmë humanitare për Ukrainën. /Albanianpost.com

Subscribe në YouTube: GAZETA INFOKUSI