Uncategorized

Kina dhe Rusia, deklaratë të përbashkët për zgjidhjen e krizës së Ukrainës nëpërmjet bisedimeve

Autori: Gazeta inFokus 12:44 | 22 March 2023

Të martën pasdite, presidenti kinez Xi Jinping dhe homologu i tij rus Vladimir Putin nënshkruan në Moskë “Deklaratën e përbashkët për thellimin e marrëdhënieve të bashkëpunimit e të partneritetit të gjithanshëm strategjik në epokën e re ndërmjet Kinës e Rusisë”.

Lidhur me problemin e Ukrainës, në deklaratë thuhet se duhet të respektohen qëllimet dhe parimet e Kartës së OKB-së dhe ligji ndërkombëtar. Pala ruse e vlerëson aktivisht qëndrimin objektiv e të drejtë të palës kineze për këtë problem. Të dy palët e kundërshtojnë dëmtimin e interesave të arsyeshme të sigurisë të vendeve të tjera me synimin për epërsi ushtarake, politike etj. Pala ruse rithekson angazhimin për rifillimin sa më parë të bisedimeve paqësore dhe pala kineze e vlerëson këtë. Rusia mirëpret që Kina të luajë një rol aktiv për zgjidhjen e krizës së Ukrainës me mjete politike e diplomatike.

Në deklaratë theksohet gjithashtu se dialogu i përgjegjshëm është mënyra më e mirë për zgjidhjen e problemit dhe bashkësia ndërkombëtare duhet të përkrahë përpjekjet konstruktive në këtë drejtim. Të dy palët i kundërshtojnë sanksionet e njëanshme pa autorizimin e Këshillit të Sigurimit të OKB-së.

Universiteti me i madh publik në SHBA në partneritet me Kolegjin Universum

Të tjera

Fokusi

uncategorized