Uncategorized

Kina dhe Estonia do të zgjerojnë bashkëpunimin në bujqësi e ekonominë digjitale

Autori: Gazeta inFokus 09:27 | 19 January 2022

Këshilltari i Shtetit dhe ministri i Jashtëm kinez Wang Yi gjatë nje videotakimi me ministren e jashtme të Estonisë Eva-Maria Liimets nënvizoi mundësitë për zgjerimin e bashkëpunimit në bujqësi dhe produktet ushqimore, tregtinë elektronike dhe ekonominë digjitale ,pornedhe fusha të tjera.
Lidhur me zhvillimin e suksesshëm të lidhjeve dypalëshe që nga vendosja e marrëdhënieve diplomatike mbi 30 vjet më parë, Wang Yi tha se përvoja e kaluar tregon që të dy vendet e respektojnë dhe trajtojnë njëri-tjetrin në mënyrë të barabartë, prandaj mund të arrijnë përfitime të ndërsjella.

Të dyja palët do të vazhdojnë t’u kushtojnë rëndësi shqetësimeve të ligjshme të njëra-tjetrës në interesat thelbësore, të respektojnë normat e marrëdhënieve ndërkombëtare të mosndërhyrjes në punët e brendshme dhe të ruajnë themelet politike të marrëdhënieve dypalëshe, tha ministri Wang.
Liimets u shpreh se pala estone do t’i përmbahet me vendosmëri politikës së “Një Kine”, do të forcojë besimin e ndërsjellë dhe do të promovojë bashkërisht zhvillimin e marrëdhënieve dypalëshe.

Estonia mbështet Lojërat Olimpike Dimërore të Pekinit dhe ka bashkëhartuar një rezolutë mbi armëpushimin olimpik për Lojërat Olimpike Dimërore të Pekinit, tha ajo, duke shprehur shpresën se Lojërat Olimpike do të jenë një sukses i plotë.

-Advertisement-

Të dy palët ranë dakord të vazhdojnë komunikimin, të zhvillojnë konsultime diplomatike e politike në kohën e duhur dhe të përshpejtojnë procesin e nënshkrimit të marrëveshjes për eksportimin e bulmetit dhe produkteve të egra ujore nga Estonia në Kinë.

Të dy kryediplomatët shkëmbyen mendime edhe për bashkëpunimin e gjelbër e digjital dhe shprehën besimin se duhet të forcohet bashkëpunimi ndërkombëtar për të përballuar së bashku sfidat globale, si ndryshimi klimatik, dhe të bëhen përpjekje për të ndërtuar një hapësirë kibernetike të sigurt, të hapur dhe bashkëpunuese.

Subscribe në YouTube: GAZETA INFOKUSI

Të tjera

Fokusi

uncategorized