Uncategorized

Kina dhe Brazili ngrenë marrëdhëniet dypalëshe

Autori: Gazeta inFokus 11:53 | 21 November 2024

Kina dhe Brazili vendosën të mërkurën ngritjen emarrëdhënieve të tyre në një komunitet me një të ardhme të përbashkët që punon së bashku për të ndërtuar një botë më të drejtë dhe një planet më të qëndrueshëm.

Vendimi u bë gjatë në një takimi midis presidentit kinez Xi Jinping dhe homologut të tij brazilian, Luiz InácioLula da Silva që u zhvillua në Pallatin Presidencial në kryeqytetin brazilian Brazilia.

Sipas kreut të shtetit kinez, marrëdhëniet Kinë-Brazil jo vetëm kanë përmirësuar mirëqenien e dy popujve, por gjithashtu kanë mbrojtur interesat e përbashkëta të vendeve në zhvillim, kanë rritur edhe forcën e zërin e Jugut Global, duke kontribuuar për paqen dhe stabilitetin botëror.

-Advertisement-

Ai sugjeroi thellimin e bashkëpunimit në fusha tradicionale ekonomiko-tregtare, infrastrukturore, financiare, tekniko-shkencore dhe atë të mbrojtjes së mjedisit, duke forcuar bashkëpunimin në fusha si hapësirë ajrore, shkencë dhe teknologji bujqësore dhe energji e pastër. Gjithashtu, Kina do të shtojë bashkëpunimin me Brazilin për zbutjen e varfërisë, në mënyrë që të dy popujt të kenë një jetë më të mirë.

Ndërkohë, homologu i tij brazilian Lula u shpreh në takim se vendi i tij po pret të bashkëpunojë me Kinën për të ndërtuar një komunitet me një të ardhme të përbashkët Kinë-Brazil dhe të krijuar një botë më të drejtë dhe një planet më të qëndrueshëm.

Brazili po promovon fuqishëm strategjitë e zhvillimit, si “Plani i Rritjes së Përshpejtuar”, “Plani i Ri Industrial” dhe “Plani i Rrugës së Integrimit të Amerikës së Jugut” që përputhen me nismën e Kinës “Një brez, një rrugë”. Forcimi i ndërlidhjes së strategjive të zhvillimit do ta ndihmojë në masë të madhe procesin e riindustrializimit të Brazilit, do të promovojë integrimin e Amerikës së Jugut dhe do të krijojë një shembull të unitetit, bashkëpunimit dhe përfitimeve të ndërsjella ndërmjet vendeve në zhvillim.

Brazili është gjithashtu i gatshëm të vazhdojë koordinimin e ngushtë shumëpalësh me Kinën dhe të japë kontribut në promovimin e zgjidhjes paqësore të çështjeve të nxehta, si kriza e Ukrainës.

Subscribe në YouTube: GAZETA INFOKUSI