Kim Kardashian nuk e përjashton mundësinë që të ketë më shumë fëmijë pas divorcit nga Kanye West.

Ylli i realitetit, e cila ka North, 9 vjeçe, Saint, 7 vjeçe, Chicago, 4 vjeçe dhe Psalm, 3 vjeçe, me fituesin e “Grammy”-t, i tha Gwyneth Paltrow në një episod podcast “Goop” të martën se ajo “kurrë nuk do të thotë kurrë” për një fëmijë të pestë. Aktorja e “Keeping Up With the Kardashians” vuri në dukje:

“Padyshim që e mendoj si mundësi në të ardhmen. Por fillimisht, do të më duhej të kisha dikë në jetën time për një kohë që të merrja atë vendim. Pra, çfarëdo që është e shkruar për të ndodhur, do të ndodhë.”

Kur Paltrow i rekomandoi ngrirjen e vezëve, 42-vjeçarja u përgjigj:

“Unë mendoj se embrionet janë mënyra më e mirë për ta bërë atë proces”.

Deklarata e yllit të “Kardashians” erdhi tetë muaj pasi ajo la të kuptohet gjatë një interviste tek “Access” se ajo e sheh veten të ketë po aq fëmijë sa nëna Kris Jenner, e cila ka gjashtë fëmijë. Pronarja e “SKIMS” ishte në lidhje me Pete Davidson në atë kohë, por ish-çifti që atëherë janë ndarë dhe nuk janë parë më në shoqërinë e njëri-tjetrit. Kardashian i tha Paltrow të martën se dëshiron të kalojë “disa vite” beqare përpara se të kthehet në një romancë serioze.

Biznesmenja, e cila është martuar tri herë, ka vazhduar të reflektojë për marrëdhëniet e saj të kaluara. Kardashian tha për martesën me Kanye West:

“Ndjej, sinqerisht, se martesa ime e fundit ishte e para e vërtetë”.

Respektivisht, ajo ka pasur edhe dy martesa të tjera jetëshkurtra me Damon Thomas dhe Kris Humphries në vitin 2000 dhe 2011. Kardashian shpjegoi:

“E para, thjesht nuk e di se çfarë po ndodhte. E dyta, ndihesha sikur doja të martohesha aq keq, sepse të gjithë miqtë e mi ishin të martuar dhe mendoja se edhe unë duhet të kisha qenë aty”.

Ndërsa ajo “definitivisht” pohon se dëshiron të martohet përsëri, Kardashian këmbënguli se ajo është e lumtur që po kalon kohën të lirë me veten dhe po shijon çdo minutë të sajin si beqare.

Krijuesja e “KKW Beauty” tha të njëjtën gjë në një episod të podcast-it “Angie Martinez IRL” të hënën, duke thënë se ajo ishte “në paqe dhe do të argëtohej derisa të gjente ‘partnerin e saj të përjetshëm’.

Kardashian shprehu shqetësimin se të dashurit e saj të ardhshëm do të “frikësohen” nga West, duke pranuar:

“Unë nuk e kam ish-in dosido. Nuk mendoj se është e drejtë për mua të vendos dikë në një situatë ose të sjell një person të ri që mund të jetë super i pafajshëm”.

UNICEF-i global boton artikull për rezultatet e partneritetit me Devolli Corporation: U fuqizuan gratë, përfituan familjet

Sponsoruar