Lajme

Kim Jong-un kërcënon sërish: Po shkojmë drejt luftës së pashmangshme bërthamore

Autori: Gazeta inFokus 19:16 | 20 August 2017

Koreja e Veriut i është rikthyer sërish kërcënimeve ndaj Shteteve të Bashkuara.

Peniani e ka cilësuar stërvitjen e përbashkët ushtarake të trupave amerikane dhe koreano-jugore si një sjellje të pamatur, që po çon drejt luftës bërthamore. Por sipas Uashingtonit, ky kërcënim nuk do të pengojë zhvillimin e stërvitjes siç është planifikuar.

Koreja e Veriut ka paralajmëruar se stërvitja e përbashkët ushtarake mes trupave amerikane dhe koreano-jugore është “një sjelle e pamatur që po e çon situatën në fazën e pashmangshme të luftës bërthamore”.

-Advertisement-

Peniani deklaroi se ushtria e vendit mund të godasë Shtetet e Bashkuara në çdo kohë, dhe as Guami, Hauai apo vetë SHBA’të nuk do të mund të shmangin “sulmin e pamëshirshëm”.

Mesazhi në ‘Rodong Sinmun’, gazeta zyrtare e qeverisë, vjen një ditë përpara se Shtetet e Bashkuara të fillojnë stërvitjen e përbashkët ushtarake me Korenë e Jugut.

Tensionet mes SHBA’së dhe Koresë së Veriut janë rritur ndjeshëm në javët e fundit. Peniani deklaroi një javë më parë se kishte finalizuar planin për hedhjen e katër raketave në territorin amerikan të Guamit.

Media shtetërore raportoi se lideri Kim Jong-un do të vlerësonte lëvizjen e ardhshme të Shteteve të Bashkuara përpara se të jepte urdhrin për veprim, transmeton oranews.

Sipas zyrtarëve të administratës Trump dhe ushtrisë amerikane, stërvitja 10-ditore e përbashkët do të zhvillohet siç është planifikuar

Ky bashkëpunim mes Uashingtonit dhe Seulit antagonizon Penianin, që e sheh këtë si një praktikë për pushtim.

Sidoqoftë, Shtetet e Bashkuara dhe Koreja e Jugut thonë se stërvitja është thjesht mbrojtëse.

Subscribe në YouTube: GAZETA INFOKUSI