Rozë

Kim dhe Kanye shënjestër e hajdutëve

Autori: Gazeta inFokus 15:53 | 21 October 2017

Kim Kardashian West dhe bashkëshorti i saj Kanye West thuhet se ishin në shënjestër të hajdutëve të premten.

Incidenti u raportua fillimisht nga TMZ, dhe më vonë E! News konfirmoi se dy të dyshuar ishin parë në rezidencën në Bel Air të çiftit, herët në mëngjes, transmeton Klan Kosova.

Departamenti i Policisë në Los Angeles, njoftoi se autoritetet kishin qenë të njoftuar për një vjedhje të një automjeti në orën pesë të mëngjesit, por nuk ishte e qartë nëse makina në të vërtetë i përkiste Kim dhe Kanye.

-Advertisement-

Sipas policisë, një dëshmitar pa një të dyshuar që hyri dhe doli nga një makinë para se të ikte me një të dyshuar që ishte fshehur në disa shkurre dhe u konfirmua se i dyshuari i parë u përpoq të merrte gjëra personale nga makina.

Një hetim mbi incidentin ende është duke vazhduar, por Digital Spy ka mësuar se makina në fjalë i përkiste një anëtari të stafit.

Lajmi për incidentin vjen pakë më shumë se një vit pasi Kim u plaçkit me armë nga disa grabitës të armatosur të veshur si policë në Paris.

Hajdutët vodhën vlerë prej 8.5 milion dollarë stoli, duke përfshirë edhe unazën e fejesës të Kanye West.

Subscribe në YouTube: GAZETA INFOKUSI