Lajme

KFOR-i nderon ish-komandantin Klaus Reindhardt: ”Nuk do të harrohesh kurrë gjeneral”

Autori: Gazeta inFokus 18:54 | 02 December 2021

Pjesëtarët e KFOR-it në Kosovë kanë nderuar sot ish-komandantin e këtij misioni gjeneralin Klaus Reindhardt.

Ish-komandanti i forcave paqësore në Kosovë, Klaus Reinhardt sot ka ndërruar jetë.

“Me zemër të thyer nderojmë dhe e ulim flamurin e KFOR-it në gjysmështizë për humbjen e ish-komandantit, gjeneral Dr. Klaus Reindhardt”, thuhet në një postim në Facebook.

Gjenerali Reinhardt komandoi KFOR-in ndërmjet 8 tetorit 1999 dhe 18 prillit 2000.

“Ne si ushtarë të KFOR-it nuk i harrojmë kurrë vëllezërit tanë nën armë dhe të gjithë ndajmë dhimbjen për humbjen e ish-komandantit tonë. U prehsh në paqe gjeneral. Nuk do të harrohesh kurrë”, përfundon njoftimi i KFOR-it.

Komandanti i parë i KFOR-it ishte vendimtar në dhënien e impulseve të shumta dhe të rëndësishme për rindërtimin e shtëpive private dhe institucioneve publike si dhe në ringritjen e institucioneve civile.

Klaus Reinhardt e kishte marrë detyrën nga Michael Jackson, i cili kishte komanduar hyrjen e trupave të NATO-s në Kosovë.

Të tjera