Lajme

KFOR-i dhe MBP mohojnë se është arritur marrëveshje me serbët në veri për largimin e trupave

Autori: Gazeta inFokus 10:45 | 30 May 2023

Të martën, një zyrtar paralel i komunës së Zveçanit para mediave ka thënë se është arritur një marrëveshje midis KFOR-it dhe përfaqësuesve të Listës Serbe për shtensionimin e situatës në veri. Sipas tij, marrëveshja përfshinte lirimin e katër serbëve të arrestuar dhe tërheqjen e forcave speciale të Policisë së Kosovës deri në ora 15:00 të martën.

Zëdhënësja e Ministrisë së Punëve të Brendshme, Nora Fetoshi për KALLXO.com ka demantuar lajmin teksa tha se nuk ka ndonjë marrëveshje mes KFOR-it dhe protestuesve, dhe se informacioni për tërheqjen e trupave dhe lirimin e të burgosurve nuk është i vërtetë.

“Lajmi për arritjen e marrëveshjes mes KFOR-it dhe protestuesve, nuk qëndron. Nuk ka marrëveshje të tillë. Çfarëdo marrëveshje që flet se është arritur mes KFOR-it dhe protestuesve tërheqjen e trupave dhe lirimin e të burgosurve nuk është i vërtetë dhe nuk qëndron”- ka deklaruar Fetoshi për KALLXO.com.

Ndërkaq me një bisedë me KALLXO.com, Andera Galienu zëdhënës në KFOR, ka mohuar të ketë pasur ndonjë marrëveshje por as edhe takim për të diskutuar këtë çështje.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Albi Mall Superliga rikthehet me betejat për Evropë dhe mbijetesë

Të tjera

Fokusi

lajme