Lajme

KFOR-i dërgon makineri të rëndë në Zveçan, bllokon rrugët që çojnë në komunë

Autori: Gazeta inFokus 14:16 | 30 May 2023

Pjesëtarët e KFOR-it, të cilët ndodhen rreth ndërtesës së komunës në Zveçan, kanë sjellë më shumë vetura me makineri të rënda dhe sasi të mëdha të telave gjemborë, ndërsa rrugët që të çojnë në këtë ndërtesë janë të bllokuara.

Përkundër informacioneve jozyrtare se pjesëtarët e Policisë së Kosovës mund të tërhiqen nga ndërtesa e komunës sot rreth orës 15:00, situata në terren aktualisht nuk po shkon në atë drejtim.

Pjesëtarët e njësive speciale të Policisë së Kosovës janë ende në ndërtesën e komunës, ndërsa para vetë objektit ndodhen disa autoblinda.
Punëtorët e komunës së Zveçanit të cilët janë mbledhur mëngjesin e sotëm para objektit të atij institucioni shpresojnë se do të mund të kthehen në vendet e tyre të punës.

-Advertisement-

Pjesëtarët e kontingjentit polak të KFOR-it vendosën një gardh 15 metra larg komunës dhe formuan një kordon.

Ata si dje janë të pajisur me mburoja dhe pajisje për të shpërndarë demonstratat, kurse forcat speciale të Policisë së Kosovës me disa autoblinda janë prapa ushtarëve të KFOR-it.

Kryetari i Komunës së Zveçanit, Ilir Peci, ka konfirmuar se sot nuk ka shkuar në ndërtesën e komunës, por se bashkë me kabinetin e tij kanë filluar punën në zyrën në fshatin Lipe.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera