Këto janë provat e prokurorisë kundër Shefqet Krasniqit
![](https://gazetainfokus.com/wp-content/uploads/2017/05/shefqet-krasniqi-780x439.jpg)
Autori: Gazeta inFokus
15:51 | 07 May 2017
Në fund të muajit shkurt të këtij viti Prokuroria Speciale e Kosovës i dha fund një hetimi të filluar ndaj ish-imamit të xhamisë së madhe “Mehmet Fatih”, në Prishtinë, Shefqet Krasniqit, duke ngritur aktakuzë e cila e ngarkon për tri vepra: nxitje të urrejtjes, shtytje në kryerjen e veprave terroriste dhe evazion fiskal.
Edhe pse kanë kaluar më shumë se dy muaj nga koha e ngritjes së aktakuzës ende nuk është mbajtur seanca fillestare edhe pse dispozitat ligjore parashohin se kjo duhet të ndodhë brenda 30 ditëve.
KALLXO.com sjell ekskluzivisht provat që prokurori i Prokurorisë Speciale të Kosovës, Elez Blakaj, pretendon se vërtetojnë veprimet inkriminuese të Krasniqit.
Aktakuza e Prokurorisë Speciale të Kosovës e ngarkon Krasniqin se në intervalin kohor 2013-2014 me dashje ka shpërndarë mesazhe për publikun, kryesisht në mënyrë indirekte, të cilat kanë shtyrë të tjerët të marrin rrugën për në Siri.
Për të mbështetur fajësinë e Krasniqit lidhur me këtë pikë të akuzës Prokuroria ka propozuar tre dëshmitarë, familjarë të tre personave që Prokuroria pretendon se shkuan në Siri si rezultat i ndikimeve nga Krasniqi.
Gjithnjë sipas aktakuzës, tre të rinj kosovarë që kishin dëgjuar ligjëratat e Krasniqit morën rrugën për në Siri, ku njëri prej tyre humbi jetën, një tjetër e gjinisë femërore vazhdon të mbetet në Siri ndërsa për personin e tretë nuk jepen detaje në aktakuzë për fatin e tij.
Aktakuza e Prokurorisë Speciale të Kosovës sjell rrëfimet e familjarëve që përshkruan se si fëmijët e tyre dëgjonin ligjëratat e Krasniqit, por çuditërisht thuhet se këta persona dëgjonin edhe ligjërata të imamëve të tjerë, ndaj disa prej të cilëve kanë filluar dhe pushuar hetimet.
Përpos dëshmitarëve të propozuar, Prokuroria Speciale e Kosovës në gjykimin ndaj ish-imamit Krasniqi, ka propozuar edhe përgjigje të Bashkësisë Islame të Kosovës lidhur me përmbajtjen e ligjëratave të Krasniqit.
Të tri këto përgjigje e rëndojnë pozicionin e Krasniqit duke i cilësuar jashtë kontekstit të parimeve të fesë Islame dhe Kushtetutës së Bashkësisë Islame të Kosovës.
Të pyetur lidhur me dy ligjëratat e Krasniqit, “Ndihmone Sirinë” dhe “Revolucioni Sirian”, më 7 korrik 2016 Bashkësia Islame e Kosovës është përgjigjur duke i cilësuar jashtë frymës së parimeve islame.
“Dy ligjëratat në fjalë nuk janë në frymën e interpretimeve parimore islame, interpretimi i ajeteve Kuranore është bërë jashtë kontekstit kohor andaj mënyra e predikimit dhe gjuha e përdorur në këto ligjërata nuk janë në frymën e duhur të predikimit tradicional ngase është përdorur një gjuhë e vrazhdë e cila nuk përkon me etikën e komunikimit me masën”, citon aktakuza përgjigjen e BIK-ut.
Prokuroria BIK-ut i ishte drejtuar edhe lidhur me atë se a kanë ndikuar në nxitje të urrejtjes ndaj të tjerëve ligjëratat e përmendura në aktakuzë ndërsa nga Bashkësia Islame e Kosovës më 10 tetor 2016 kishin pranuar këtë përgjigje:
“Është e pamundur të thuhet me saktësi se sa kanë ndikuar këto ligjërata në nxitjen e urrejtjes ndaj të tjerëve sepse për këtë duhet pasur hulumtim e të dhëna konkrete e që ne nuk i kemi, mirëpo atë që mund ta themi me kompetencën e duhur është se gjuha e ligjërimit në hytbe në fjalë nuk është në përputhje me mësimet, udhëzimet dhe parimet e fesë islame dhe me misionin e një predikuesi fetar”, citohet në aktakuzë përgjigja e dytë të BIK-ut për Prokurorinë.
Përpos këtyre dy përgjigjeve, një komision prej pesë anëtarëve të Bashkësisë Islame të Kosovës më datë 28 tetor 2016 i ktheu edhe një përgjigje Prokurorisë përkitazi me gjuhën e përdorur dhe përmbajtjen e ligjëratave nga ish-imami Krasniqi.
“Modeli i ligjërimit të të pandehurit në materialet e paraqitura bie ndesh me modelin që mbjell, kultivon e promovon Bashkësia Islame e Kosovës dhe i cili model ndër të tjera ka për qëllim të vetëdijesojë, të sensibilizojë e edukojë xhematin për pluralizmin dhe diversitetin e shoqërisë”, citohet në aktakuzë përgjigja e tretë e BIK-ut për Prokurorinë.
Lidhur me të gjitha këto pretendime, Krasniqi në deklaratën e tij të dhënë në Policii është deklaruar i pafajshëm dhe i ka mohuar në tërësi akuzat për shtytje në kryerjen e veprave terroriste dhe nxitje të urrejtjes fetare.
Lidhur me pikë e tretë të akuzës, për shmangie nga tatimi, Prokuroria pretendon se Krasniqi nga vitit 2011 deri më 2016 si pronar i kompanisë N.T. “Portat”, nuk i ka deklaruar pranë ATK-së të dhënat tatimore dhe kësisoj nuk ka përmbushur obligimet tatimore ndaj ATK-së në vlerë prej rreth 20 mijë euro. /Kallxo.com/
![](https://gazetainfokus.com/wp-content/uploads/2024/07/Prince-Comodita.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...