Këto janë pritshmëritë e Mogherinit për marrëveshjen mes Shkupit e Athinës
Autori: Gazeta inFokus 11:07 | 14 October 2018
Marrëveshja e Prespës është rast unikat për pajtim dhe mbyllje të kontestit dydekadësh mes Shkupit dhe Athinës dhe ky rast mund të mos përsëritet më, porosit përfaëqsuesja e lartë për Siguri dhe Politikë të Jashtme të Bashkimit Evropian, Federika Mogerini në intervistë për MIA-n.
Nesër do të kuptohet nëse ekziston shumicë e nevojshme në Kuvendin e Maqedonisë për implementimin e Marrëveshjes së Prespës. Cila është porosia juaj në këtë moment?
“E kam pasur privilegjin të marr pjesë në firmosjen e Marrëveshjes mes kryeministrave Zoran Zaev dhe Aleksis Cipras në qershor pranë Liqenit të Prespës. Të dy palët treguan guxim politik, lidership, përgjegjësi dhe punuan pa lodhje që t’i tejkalojnë dallimet dhe problemet e vjetra dhe ta arrijnë këtë marrëveshje historike të cilën tërë Evropa e përshëndeti.
Tani ka procedura nacionale për implementimin e marrëveshjes që zhvillohen në të dy anët dhe kjo duhet të mbrohet dhe respektohet. I kuptoj ndjeshmëritë dhe prapavinë historike komplekse të kontestit, si dhe brengat e shprehura. Kontesti nuk ka ekzistuar aq gjatë pa arsye, megjithatë siç u pamë në të kaluarën, sa më shumë kohë që kalon, aq më rëndë është të gjehet zgjidhje. Procesi negociues duhet të ketë qenë i dhimbshëm dhe rezultati është një kompromis. Por, është kompromis me të cilin me sukses plotësohen interesat kyçe të të dy palëve. Pozita jonë është e qartë: BE-ja tërësisht e përkrahë marrëveshjen e arritur. Kjo është mundësi unikate për pajtim të Ballkanit Perëndimor i cili mund të mos përsëritet. Shpresoj se të gjitha palët do ta kapin këtë moment dhe se do të sigurojnë të ardhme në BE për vendin, të ardhme të cilën gjithë kombi e shpreson me vite që të bëhet realitet.
Rezultati pozitiv a do të thotë përshpejtim i procesit të zgjerimit?
“Pajtimi, bashkëpunimi rajonal dhe marrëdhëniet e mira fqinjësore luajnë rol kyç në angazhimin tonë në Ballkanin Perëndimor dhe është parim kyç i procesit të zgjerimit, ashtu që zgjidhja e kontestit të tillë të rëndë është nga vlera e madhe për rajonin dhe rast për përparim në rrugën drejt BE-së. Nëse momenti shfrytëzohet me mençuri që të përparohet në reformat të cilat nevojiten, atëherë para nesh është një progres i rëndësishëm. Vendet-anëtare e hapën rrugën për fillim të negociatave në qershor të këtij viti, në bazë të kushteve të qarta. Kjo është pjesë e angazhimit tonë të fuqishëm në rajon, i cili është nga interesi për të gjithë, edhe për vendet anëtare dhe rajonin.
Nëse Marrëveshja kalon do të sjellë më shumë stabilitet në rajon?
Marrëveshja e arritur historike mund të kontribuojë për transformim të tërë rajonit të Ballkanit Perëndimor. Ruajtja e marrëdhënieve të mira fqinjësore na ndihmon të punojmë së bashku që të ballafaqohemi me shumë sfida dhe momente të cilat i ndajmë, duke përfshirë fusha të tilla si migrimi. Kriza e refugjatëve tregoi se luftërat të cilat fillojnë larg Brukselit ose Shkupit mund të kenë impakt, më herët ose më vonë, në Evropë. Ballkani Perëndimor është në zemrën e Evropës, ne jemi të varur reciprokisht. Besoj se së bashku mund të arrijmë shumë për prosperitetin, sigurinë dhe stabilitetin e popujve tanë.
Të tjera
-
Arrestohen 8 efektivë të policisë kufitare në Mal të Zi, iu morën ryshfet edhe kosovarëve
Policia malazeze arrestoi 8 policë kufitarë të dyshuar për marrje ryshfetesh ...
-
Sindikata e Re e KEK-ut, Administratës dhe Minatorëve të Trepçës thërrasin konferencë për media
Sindikata e Re e KEK-ut, Administratës dhe Minatorëve të Trepçës thërrasin ko...
-
Sot mblidhen katër komisione parlamentare në Kuvend
Sot takohen katër komisione parlamentare për të shqyrtuar çështje të ndryshme...
-
Makina e parë fluturuese bën udhëtimin e parë në Sllovaki!
Legjenda e muzikës Jean-Michel Jarre bëhet pasagjeri i parë në makinën flutur...
-
34 vjet nga vdekja e veprimtarit Fadil Vata
Sot mbushen 34 vjet nga vdekja e veprimtarit të çështjes kombëtare Fadil Vata...
-
Siguroi fshehtas raketa balistike me rreze të gjatë veprimi nga SHBA, Ukraina i përdor për herë të parë! Godet Rusinë
Ukraina ka filluar të përdor për herë të parë raketa balistike me rreze të gj...
-
Siljanovska e Pendarovski në balotazh për president, Osmani del i treti
Në Maqedoninë e Veriut, qytetarët votuan të mërkurën për të zgjedhur presiden...
-
Mot sot i vranët dhe vende-vende me riga të dobëta shiu
Instituti Hidrometeorologjik i Kosovës ka njoftuar se sot mban mot i vranët d...
-
Në Hagë vazhdon gjykimi ndaj ish-krerëve të UÇK-së
Në Dhomat e Specializuara të Kosovës (DHSK) në Hagë, sot vazhdon gjykimi i Th...
-
Sot në Bruksel zhvillohen takimet e radhës në kuadër të dialogut
Kryenegociatorët e Kosovës dhe Serbisë, Besnik Bislimi dhe Petar Petkoviq pri...
-
Mblidhet Kuvendi, në rend dite marrëveshja për tunelin Tetovë-Prizren
Sot do të mbahet seanca plenare e Kuvendit të Kosovës, ku në mesin e pikave t...
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...