Lajme

Këto janë prioritetet e ministrit të ri të Shëndetësisë

Autori: Gazeta inFokus 12:26 | 16 November 2021

Kryeministri i Kosovës, Albin Kurti ka emëruar ministrin e ri të shëndetësisë, Rifat Latifin.

Latifi në një konferencë për medie ka falënderuar kryeminatorin Albin Kurtin për vlerësimin dhe besimin, shkruan Gazeta Infokus.

Latifi ka premtuar se do të ngrit standardet mjekësore në Kosovë.

-Advertisement-

“Unë premtoj se ekipi im dhe unë do të angazhohemi me gjithë qenien që në mënyrë afatgjate t’i ngrisim standardet mjekësore duke ngritur edukimin dhe trajnimin e të gjitha specializimeve dhe ngritjen e aftësive dhe kapaciteteve njerëzore për hulumtime shkencore si për mjekët ashtu edhe infermierët dhe të gjithë punëtorët e tjerë shëndetësorë”, ka thënë ai.

“Me ngritjen e kapaciteteve njerëzore ne investojmë në ngritjen e kualitetit të shërbimeve dhe në këtë mënyrë shtojmë volumin e shërbimeve mjekësore në Kosovë. Me të ardhurat prej këtyre shërbimeve ne riinvestojmë sërish në kualitet. Ky proces do të ketë dy rëndësi të mëdha për Kosovën – do t’i ofrojmë shërbime të ndryshme të rinjve tanë, mjekëve, infermierëve dhe të tjerëve ngritje profesionale, ardhmëri shkencore dhe kënaqësi profesionale do ta ndërpresim largimin e trurit mjekësor dhe shkencor të Kosovës në vende të tjera të Europës dhe më tej. Për më tepër nëse e rregullojmë shtëpinë tonë do ta mundësojmë kthimin e trurit të larguar deri tash në mënyrë që të bëhet pjesë e procesit të ngritjes së standardeve mjekësore”, ka thënë Rifat Latifi.

Kirurgu shqiptar Rifat Latifi vepron dhe jeton në SHBA. Latifi është shef i Kirurgjisë së Përgjithshme në Qendrën Mjekësore Westchester në New York, profesor në Universitetin e Arizonës, anëtar i Kolegjit Amerikan të Kirurgëve dhe Kolegjit Ndërkombëtar të Kirurgëve, kryetar themelues i Kolegjit të Kirurgëve të Kosovës, që nga dhjetori i vitit 2018. /Gazeta Infokus/

Subscribe në YouTube: GAZETA INFOKUSI
Etiketa:
Hej, hej, hej, erdhi Black Friday me zbritje deri në 75% në Comodita Home
-Advertisement-

Të tjera

Fokusi

lajme