Stinori pranveror në elitën e futbollit kosovar ka nisur me 12 shkurt nga java e 19-të, dhe deri me tani janë zhvilluar vetëm dy xhiro, shkruan Gazeta inFokus.

Janë vetëm dy skuadra që kanë regjistruar dy fitore në dy javët e para të pjesës së dytë të kampionatit.

Prishtina dhe Ballkani kanë arkëtuar nga gjashtë pikë në dy përballjet e para në pranverë.

Kryeqytetasit ka mposhtur Drenicën me rezultat (3-1) dhe Arbërinë me shifrat (0-4).

Në anën tjetër suharekasit kanë fituar si mysafir te Besa e Pejës me rezultat (0-4) dhe në shtëpi ndaj Feronikelit me shifrat (1-0).

Pas këtyre dy triumfeve skuadra nga Suhareka ka marrë vendin e parë në tabelë me 44 pikë, aq sa ka edhe Drita, ndërsa Prishtina vazhdon të jetë e treta me 38 sosh.

Ndeshjen e radhës ‘bardhekaltërit’ e luajnë në shtëpi ndaj Dritës, kurse Ballkani në udhëtim te Gjilani./Gazeta inFokus/