Lifestyle

Këto janë arsyet pse ai/ajo jua lë ‘seen’

Autori: Gazeta inFokus 13:56 | 24 June 2022

Të paktën njëherë në jetë na ka ndodhur të gjithëve. Cilado prej arsyeve të jetë, “seen” nuk është problemi juaj, është i tyre. Detyra juaj është të tregoheni të zgjuar dhe ta shihni situatën siç është, por *pa u nxituar*.

1. Përgjithësisht sepse ti nuk je prioriteti i tij/saj

Mund t’i justifikojmë për vite me radhë, por e vërteta është kjo. Për momentin, ti nuk je prioriteti i tij, prandaj dhe nuk ke marrë përgjigjen që doje, kur e doje. Vazhdimësia do të ndihmojë t’i kuptosh gjërat më qartë. Pra nëse ishte thjesht një rast apo je vërtetë në fund të listës të gjërave që ka për të bërë. Sidoqoftë, është më mirë ta mësosh në kohë.

2. Ka punë. Ka vërtetë punë!

Ti mund të mos kesh asgjë më të mirë për të bërë dhe mund të jesh në dispozicion të rrjeteve sociale, WhatsApp-it, dhe një Zot e di çfarë tjetër, por ai personi duhet të punojë për të paguar faturat në fund të muajit. Dhe nuk ia ndjen shumë nëse ti mërzitesh pse ta ka lënë seen. Mbase ka ardhur koha që dhe ti të rritesh, e ke menduar ndonjëherë këtë?

3. Po hakmerren

Mbase dhe ti nuk i ke kthyer më parë. Mbase ti nuk i kthen asnjëherë dhe pikërisht në momentin që ke më shumë nevojë për një përgjigje, ai tjetri hakmerret. Bota nuk rrotullohet rreth teje e di? Karma funksionon!

4. Thjesht ka qejf!

Sado e çuditshme të duket, njerëzit kanë krijuar një raport të frikshëm me seen-in. Ndërkohë që ka nga ata që e urrejnë për vdekje, ka të tjerë që kanë krijuar një si lloj fetish-i dhe argëtohen vetëm duke ua lënë njerëzve seen. Kënaqësi e çuditshme por ja që është një lloj kënaqësie.

5. Nuk ju pëlqen!

Të mos gënjejmë veten, nëse dikush jua ka lënë seen dhe e bën vazhdimisht, edhe pa arsye, mbase po ju shmang. Bëhuni pak të zgjuar dhe tërhiquni në kohë. Asnjë mesazh më prej jush!

6. Është i pasjellshëm.

Tjetër gjë është t’jua lënë seen kur doni muhabet, se jo të gjithë kanë kohë apo nerva për muhabet, kur diçka e tillë fare mirë mund të bëhet edhe në kontakt të drejtpërdrejtë dhe tjetër gjë është të mos ju kthejnë përgjigje kur bëhet fjalë për një pyetje apo diçka me rëndësi. Në këtë rast, personi tjetër është i pasjellshëm!

7. Harron.

E keni parasysh që disa njerëz thonë ‘e pashë mesazhin dhe me mendjen time gjithmonë se të ktheva, po s’të paskam kthyer?’ Kjo mund të ndodhë vërtet, ka njerëz që rrëmbehen nga ritmi i ditës, e lexojnë mesazhin dhe harrojnë të kthejnë përgjigje. Përpiquni t’i kuptoni.

8. I është fikur telefoni

Mund ta dëgjoni shpesh si justifikim, por në disa raste mund të jetë dhe e vërtetë. Telefoni fiket se me bateri punon, s’mund të jetë 24/7 përgjithmonë në dispozicionin e mesazheve tuaja.

Të tjera